Mehsana બેઠક પર ભાજપમાં ટિકિટ માટે લોબિંગ શરૂ, પાટીદાર સમાજના ઉમેદવારની પસંદગી નક્કી!

Loksabha Election 2024: લોકસભા ચૂંટણી બસ હવે થોડા દિવસમાં જાહેર થઇ જશે એવામાં ભાજપ પણ તેમના ઉમેદવારોની બીજી યાદી એક-બે દિવસ માંજ જાહેર કરી શકે છે. ગુજરાતની 26 બેઠકોમાંથી 15 બેઠકો પર નામની જાહેરાત કરી દેવામાં આવી છે. હવે બાકીની 11 બેઠકો પર નામોને લઈ ચર્ચા ચાલી રહી છે. એવામાં રાજકારણની પ્રયોગશાળા ગણાતી મહેસાણા બેઠક નીતિન પટેલે ઉમેદવારી પછી ખેંચ્યા બાદ ચર્ચામાં આવી છે. મહેસાણા બેઠક પર ટિકિટ માટે જબરજસ્ત લોબિંગ શરુ થઈ ચૂક્યુ છે. સ્વચ્છ પ્રતિભા ધરાવતા શારદાબેનને ઉમરના કારણે જો બીજી વાર રિપિટ ન કરાય તો તેમના સ્થાને કોણે ટિકિટ અપાશે તેના પર અનેક તર્ક વિતર્ક છે.