અંબાજી મંદિરમાં ધરણા, પ્રદર્શન, રેલી પર પ્રતિબંધઃ ગેટ પર લાગી ગઈ આવી નોટિસ

અંબાજીઃ અંબાજી મંદિરના પ્રસાદનો વિવાદ વકરતો જાય છે. એક તરફ લોકો અને હિન્દુ સંગઠનો આવ્યા છે તો બીજી તરફ મંદિર પ્રશાસન અને સરકાર આવી ચઢી છે. અહીં સુધી કે દાતાના રાજવી પરિવારે તો આ મામલામાં હાઈકોર્ટના દરવાજા ખટખટાવવા સુધીની તૈયારીઓ બતાવી છે. વર્ષો જુના મોહનથાળના પ્રસાદને બદલે ચીક્કીનો પ્રસાદ શરૂ કરવામાં આવતા કરોડોના કોન્ટ્રાક્ટ પર સવાલો પણ ઊભા થઈ રહ્યા છે. ત્યારે આજે અંબાજી મંદિરના ગેટ નંબર 7 પર મંદિરમાં ધરણા, પ્રદર્શન, રેલી, વગેરે કરીને વિરોધ કરી નહીં શકાય તેવી નોટિસ લગાવી દેવાઈ છે.