કેજરીવાલ આજે ગુજરાતની મુલાકાતે, વડોદરામાં પેરેંટ્સ અને ટીચર્સ સાથે કરશે સંવાદ

ગુજરાત વિધાનસભાની ચૂંટણી નજીક આવી રહી છે તેમ તેમ સતત રાજકીય ગરમાવો જોવા મળી રહ્યો છે. ગુજરાતમાં 182 બેઠક પર આમ આદમી પાર્ટી ચૂંટણી લડશે અને તેમાંથી તેમણે 29 બેઠક પરના ઉમેદવારની પણ જાહેરાત કરી દીધી છે. ત્યારે આજે ફરી એક વખત કેજરીવાલ ગુજરાતની મુલાકાતે છે ત્યારે આજે વડોદરા ખાતે આજે બપોરે મહત્વપૂર્ણ પ્રેસ કોન્ફરન્સ યોજશે અને ત્યારબાદ આમ આદમી પાર્ટીના રાષ્ટ્રિય સંયોજક અરવિંદ કેજરીવાલ વડોદરાના પેરેંટ્સ અને ટીચર્સ સાથે પ્રીત પાર્ટી પ્લોટ ખાતે મિટિંગ કરશે અને આજે પણ કોઈ ગેરેન્ટી આપી શકે છે.

આવતી કાલે મનીષ સિસોદિયા પણ ગુજરાતમાં
દિલ્હી સરકારના નાયબ મુખ્યમંત્રી અને શિક્ષણ મંત્રી મનીષ સિસોદિયા પણ આવતી કાલે ગુજરાતના પ્રવાસે આવી રહ્યા છે. આવતીકાલે તે અમદાવાદ આવશે અને સાબરમતી આશ્રમથી પૂજ્ય બાપુના દર્શન કરી ગુજરાતની અંદર યાત્રાની શરૂઆત કરશે. સમગ્ર ઉત્તર ગુજરાતમાં આ યાત્રા ફરશે અને લોકોને પરિવર્તન લાવવા માટે મનીષ સિસોદિયા હાકલ કરશે.