‘કાકાના કામ નહીં, કાંડ બોલે છે’- MLA લલિત કગથરાના મોંઢા પર યુવાનોએ કરી ‘ગજબ બેઈજ્જતી’

કાકાના કામ બોલે છેના બેનર્સ લગાવાયા
હાલમાં રેકોર્ડિંગનો જમાનો છે, કેમેરા અને ઓડિયો રેકોર્ડિંગથી ઘણું બધું સોશિયલ મીડિયા પર તરતું જોવા મળે છે. આવો જ એક વીડિયો સોશિયલ મીડિયા પર તરતો થયો છે. જેમાં ટંકારા પડધરી બેઠકના કોંગ્રેસના ધારાસભ્ય લલિત કગથરાને ચૂંટણી દરમિયાનનું પક્ષનું સ્લોગન જ ઉંધુ પડ્યું છે. કોંગ્રેસના કામ બોલે છે તેવું પક્ષનું આ ચૂંટણી દરમિયાનનું સ્લોગન છે. જે અંતર્ગત ધારાસભ્યો ઠેરઠેર પ્રચાર પણ કરી રહ્યા છે. મતદારો વચ્ચે કાકા તરીકે પોતાને ઓળખાવતા લલિત કગથરાના બેનર્સ પણ લગાવાયા હતા કે કાકાના કામ બોલે છે. દરમિયાન તેઓ પોતાના મતવિસ્તારમાં આવેલા રફાળીયા ગામે પહોંચ્યા હતા.

ધારાસભ્યનો ઉધડો લઈ નાખ્યો
તેમણે અહીં જ્યારે કાકાના કામ બોલે છે તેવા શબ્દો સાથે મત માગવાના પ્રચાર શરૂ કર્યા ત્યાં યુવાનોનું એક જુથ આવ્યું અને તેમણે ધારાસભ્યને સવાલો કરવાના શરૂ કર્યા. દરમિયાન તેમણે રીતસર ઉધડો લઈ નાખ્યો હતો. કાકાએ શું કામ કર્યા છે? અત્યારે અમારી વાત નહીં સાંભળે તો ક્યારે સાંભળશે? વગેરે વાતો સાથે યુવાનોએ ઉગ્ર રજૂઆત કરી હતી. દરમિયાનમાં કાકાના કામ બોલે છે નહીં કાકાના કાંડ બોલે છે તેવું પણ યુવાનોએ ધારાસભ્યના મોંઢા પર કહ્યું હતું.