ગુજરાત સ્થાપના દિવસઃ જુનાગઢના સદિયો જુના મજેવડી દરવાજા પર એન્ટિક સિક્કાઓનું પ્રદર્શન

એન્ટીક વસ્તુઓના ચાહકો ખુશખુશાલ
સવાણી એન્ડ કંપની તેમજ મહાનગર પાલિકા દ્વારા જુના ઐતિહાસિક સિક્કા અને ચલણનું પ્રદર્શન શરૂ કરવામાં આવ્યું છે. જૂનાગઢના પ્રવેશદ્વાર અને ઐતહાસિક દ્વષ્ટિએ જાણીતા મજેવડી ગેટ પર બીજા માળે આ પ્રદર્શન શરૂ કરવામાં આવતા લોકો પણ ખુશ છે. આ અંગે સવાણી કંપનીના ઇન્ચાર્જ મેનેજર રાજેશ તોલાણી એ જણાવ્યું હતું કે મજેવડી દરવાજા જૂનાગઢની શાન છે અને અહીં સવાણી કંપની દ્વારા રિસ્ટરેશન કર્યા બાદ આ પ્રદર્શન શરુ કરી જૂનાગઢ પ્રવાસન ક્ષેત્રે નવુ નઝરાણું આપ્યું છે.

યુવરાજસિંહ જાડેજાને તોડકાંડમાં થઈ જેલઃ જીજા-સાળા સહિત 3 આરોપીઓ પણ જશે જ્યુડિશિયલ કસ્ટડીમાં

મેયરે કહ્યું, પ્રવાસનને વધુ એક સ્થળ મળશે
આ પ્રદર્શનમાં રખાયેલા સિક્કાઓ અને ચલણ વિશે માહિતી આપતા મિતેષ દાયાણીએ જણાવ્યું હતું કે, અહીં 600 જેટલા સિક્કાઓનું પ્રદર્શન યોજવામાં આવ્યું છે. જેમાં પ્રિન્સ્લી સમય, દેશ વિદેશના સિક્કાઓ, રાજા રજવાડાં અને ગુપ્ત સમયના સિક્કાઓ અને ચલણ રાખવામાં આવ્યા છે, જે લોકો ને જરૂર ગમશે. સાથે સાથે આ મજેવડી દરવાજાની શનમાં પણ વધારો થશે. આ અંગે મહાનગર પાલિકાના મેયર ગીતાબેન પરમારે જણાવ્યું હતું કે આજના આ દિવસે જૂનાગઢની જનતાને આ અમૂલ્ય નઝરાણું મળી રહ્યું છે. લોકો એ જરૂર મુલાકાત લેવી જોઈએ. જૂનાગઢના પ્રવાસનને વધુ એક મુલાકાત સ્થળ મળી રહેશે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…