જૂનાગઢઃ દામોદર કુંડમાં પરિવાર સાથે ન્હાવા પડેલું 2 વર્ષનું બાળક ડૂબી જતા મોત, પ્રવાસ બન્યો શોકનું કારણ

તંત્રએ જોખમી જગ્યાઓ પર નોટિસો લગાવવી જરૂરી બની
નાનકડા અમથા બાળકનું દામોદર કુંડમાં ડૂબી જતા મોત થયું છે. મણાવદરનો પરમાર પરિવાર અહીં ફરવા આવ્યો હતો. દરમિયાનમાં પરિવાર સાથે રાજ રવિભાઈ પરમાર નામનું 2 વર્ષનું બાળક પણ હતું. હાલમાં જૂનાગઢમાં એક અઠવાડિયામાં અનરાધાર વરસાદ પડ્યો છે. નદી નાળા છલકાયા છે. લોકો મન ભરીને તેમાં ન્હાવા પડી રહ્યા છે. જોકે તંત્ર દ્વારા પણ કેટલીક જોખમી જગ્યાઓ પર નોટિસ બોર્ડ ના લગાવાયા હોઈ અજાણી જગ્યાઓમાં યુવાનો અને બાળકો ડૂબકીઓ લગાવી દે છે. જેનું માઠું પરિણામ આવી શકે છે.

પૈસાનો હિસાબ માગતા પત્ની બની રણચંડી, પતિના હાથ-પગ બાંધીને લાકડી લઈને તૂટી પડી, જુઓ VIDEO

ફાયર વિભાગે કાઢ્યો મૃતદેહ
આવું જ કાંઈક આ પરિવાર સાથે પણ થયું છે કે તેઓ અહીં દામોદર કુંડ ખાતે ફરવા આવ્યા હતા. દરમિયાનમાં અકસ્માતે બાળક કુંડમાં પરિવાર સાથે ન્હાતા દરમિયાન ડૂબી ગયું હતું અને પાણીમાં તે મળી રહ્યું ન્હોતું. બનાવની જાણ 108 અને ફાયર વિભાગને કરવામાં આવી હતી. જોકે ફાયર વિભાગે તાત્કાલીક ધોરણે કામગીરી આરંભીને બાળકને બહાર કાઢ્યું હતું પણ ઘણું મોડું થઈ ગયું હતું. બાળક તે દરમિયાનમાં મૃત્યુ પામ્યું હતું.

(ઈનપુટઃ ભાર્ગવી જોશી.જૂનાગઢ)