ખુરશીની ખેંચતાણ વચ્ચે ભાજપના ઉમેદવારે કહ્યું મારે ચૂંટણી નથી લડવી

ભાજપ દ્વારા અત્યાર સુધીમાં કુલ 166 ઉમેદવાર જાહેર કરાયા
ભાજપ દ્વારા અત્યાર સુધીમાં કુલ 166 ઉમેદવારોના નામ જાહેર કરવામાં આવ્યા છે. આ મુદ્દે અનેક સીટો પર અસંતોષ પણ જોવા મળી રહ્યો છે. જોકે વઢવાણના ઉમેદવાર જિજ્ઞા પંડ્યાએ પોતાની ઉમેદવારી પરત ખેંચી છે. જિજ્ઞા પંડ્યાએ જણાવ્યું કે, ભાજપ દ્વારા મને ઉમેદવાર બનાવવામાં આવ્યા તે મારા માટે ખુબ જ ગર્વની વાત છે અને હું ભાજપની આભારી છું. પરંતુ હું ચૂંટણી લડવા નથી માંગતી તેથી ભાજપ દ્વારા અન્ય કોઇ ઉમેદવાર જાહેર કરવામાં આવે. આ વિનંતીને ધ્યાને રાખીને ભાજપ દ્વારા તત્કાલ જગદીશ મકવાણાને ટિકિટ ફાળવી દેવામાં આવી છે.

દલવાડી સમુદાયના વિરોધના પગલે ભાજપે આબરૂ બચાવવા પેંતરો અપનાવ્યો
અત્રે ઉલ્લેખનીય છે કે, દલવાડી સમુદાય દ્વારા ટિકિટની માંગ સાથે જિજ્ઞા પંડ્યાનો ભારે વિરોધ કરવામાં આવતો રહેતો હતો. ઉમેદવાર બદલવાની માંગ સાથે સ્થાનિક સ્તર પર આંતરિક વિખવાદ ચાલી રહ્યો હતો. આખરે જિજ્ઞા પંડ્યાએ પોતાની ઉમેદવારી પરત ખેંચી લીધી હતી. જિજ્ઞા પંડ્યાએ કહ્યું કે, પાર્ટી જ મારો પરિવાર છે. હું હંમેશા પાર્ટી માટે જ કામ કરતી રહીશ. જો કે તેમણે વિરોધ અંગે કોઇ પ્રકારના વિરોધનો ઉલ્લેખ કરવાનો ટાળ્યો હતો.