જામનગરની શરમજનક ઘટનાઃ 4 વર્ષની બાળા પર 30 વર્ષના શખ્સે ગુજાર્યું દુષ્કર્મ

ચોકલેટ આપવાની લાલચ આપી ગુજાર્યું દુષ્કર્મ
જામનગરમાં એક શરમજનક ઘટના સામે આવી છે. સીટીસી પોલીસ મથકે નોંધાયેલી ફરિયાદ પ્રમાણે ચાર વર્ષની એક બાળકી પર 30 વર્ષના શખ્સે દુષ્કર્મ ગુજાર્યું હતું. જેની જાણકારી સામે આવતા પોલીસે તેને ગણતરીના કલાકોમાં ઝડપી પાડ્યો હતો. પોલીસની પુછપરછમાં માહિતી સામે આવી કે ચાર વર્ષની દીકરીને આ શખ્સ ચોકલેટ અપાવવાની લાલચે બાઈક પર બેસાડીને લઈ ગયો હતો. લોકોના વાહનો ધોવાનું કામકાજ કરતો સાજન નામનો આ શખ્સ 30 વર્ષનો છે અને તેણે તે પછી આ દીકરી પર દુષ્કર્મ ગુજાર્યું હતું. બાળકીને બ્લીડીંગ થવા લાગતા તેને સારવાર માટે હોસ્પિટલમાં દાખલ કરવામાં આવી હતી. પોલીસે આ દુષ્કૃત્યને પગલે તાત્કાલીક સાજન નામના આ નેપાળી શખ્સની ધરપકડ કરીને તાત્કાલીક ધોરણે તેની સામે પુરાવાઓ એકત્ર કરીને તેને કોર્ટ સામે રજૂ કરવાની તજવીજ હાથ ધરી લીધી છે.

(વીથ ઈનપુટઃ દર્શન ઠક્કર, જામનગર)