સીનસપાટા ભારે પડ્યા! જામનગરમાં સો.મીડિયા પર ફોલોઅર્સ વધારવા જોખમી સ્ટંટ કરનારા 14 યુવકોની અટકાયત

ડુપ્લિકેટ બંદૂક અને એરગનથી વીડિયો બનાવી મૂકતા
જામનગરમાં સોશિયલ મીડિયામાં ફોલોઅર્સ વધારવા અને ઈન્ફ્લુઅન્સર બનવા માટે યંગસ્ટર્સ ડુપ્લિકેટ બંદૂક અને એરગન સાથે કોઈપણ ડિસ્ક્લેમર વગર પોઝ આપતા જોવા મળી રહ્યા હતા. જ્યારે બાઈક પર જોખમી સ્ટંટ કરીને તથા તલવાર સાથે ફોટો પોસ્ટ કરીને વ્યૂ મેળવવાનો પ્રયાસ કરી રહ્યા હતા. એવામાં જામનગર સાઈબર ક્રાઈમમાં આવા યંગસ્ટર્સ સામે ફરિયાદ નોંધવામાં નોંધવામાં આવી હતી.

14 યુવાઓની અટકાયત
ત્યારે આ રીતે સો.મીડિયામાં સીન સપાટા મારીને કાયદાના લીરેલીરા ઉડાવનારા 17 જેટલા લોકોને સમન્સ મોકલ્યા છે. જેમાંથી 14ની અટકાયત કરાઈ છે. પોલીસે તેમને 24 કલાક કસ્ટડીમાં રાખીને તેઓ કાયદાનું ઉલ્લંઘન કરતા હોવાથી સમજાવ્યા હતા. જ્યારે અન્ય 12 યુવકો ગીર સોમનાથ, રાજકોટ તથા કચ્છ જિલ્લાના હોવાનું સામે આવ્યું હતું. જેઓને પણ ચેતવણી આપવામાં આવી હતી.