ગુજરાતમાં મંકી પોક્સની ‘નો-એન્ટ્રી’, જામનગરના યુવકનો રિપોર્ટ નેગેટિવ આવ્યો

દર્દીના સેમ્પલને ટેસ્ટિંગ માટે ગાંધીનગરની લેબમાં મોકલાયા
જામનગરની જીજી હોસ્પિટલમાં મંકી પોક્સનો એક શંકાસ્પદ દર્દી સારવાર હેઠળ છે. જામનગર નજીકના નવા નાગના ગામના 29 વર્ષીય યુવકમાં વાયરસના શંકાસ્પદ લક્ષણો જોવા મળ્યા હતા. જેને લઈને હાલ આ યુવકને હોસ્પિટલના અલાયદા વોર્ડમાં સારવાર હેઠળ રાખવામાં આવ્યા છે. તો તેના સેમ્પલ લઈને તેને ટેસ્ટિંગ માટે ગાંધીનગરની લેબમાં મોકલી દેવામાં આવ્યા છે.

દેશમાં હાલ 9 જેટલા મંકી પોક્સના કેસ
દેશની વાત કરીએ તો અત્યાર સુધીમાં ભારતમાં આ ખતરનાક વાયરસના 9 જેટલા કેસ સામે આવી ચૂક્યા છે. જેમાંથી 5 કેસ કેરળમાં તથા 4 કેસ દિલ્હીમાં આવ્યા છે. દિલ્હીમાં ત્રણ દિવસમાં સતત ત્રણ નવા કેસ સામે આવ્યા છે. બુધવારે પણ દિલ્હીની એક મહિલાને મંકી પોક્સનું સંક્રમણ હોવાની પુષ્ટિ થઈ હતી.

મંકી પોક્સના લક્ષણો…

• દર્દીને ભારે તાવ આવે છે
• સ્કીન પર ગુમડા થાય છે અને ચહેરાથી લઈ હાથ, પગ, હથેળી તથા તળિયા પર ચકામાં પડી જાય છે
• દર્દીને શરીરમાં ગાંઠ થાય છે તથા માથા, સ્નાયુઓમાં દુખાવાની સાથે થાક લાગે છે
• ગળામાં ખરાશ અને ખાંસીની સમસ્યા પણ આવે છે

બચવાના ઉપાયો…
સ્વાસ્થ્ય મંત્રાલય મુજબ, સંક્રમિત વ્યક્તિથી દૂર રહેવું જોઈએ. ઉપરાંત સેનિટાઈઝરનો ઉપયોગ કરવો, સાબુ અને પાણીથી હાથ ધોવા, માસ્ક પહેરવું અને હાથના મોજા પહેરવાથી તમે આ સંક્રમણથી બચી શકો છો.