હજારો કરોડના ડ્રગ્સ ભરેલા હોડકાને કોચ્ચી લઇ આવી ભારતીય નૌસેના

ડ્રગ્સથી ભરેલી હોડી ઇરાનથી રવાના થઇ હતી અને તે સમયે તેમાં 4 લોકો બેઠેલા હતા. ત્યાર બાદ પાકિસ્તાનથી 2 અન્ય લોકો તેમાં બેઠાલા હતા. નૌસેના અને NCB એ આટલા મોટા પ્રમાણમાં નશીલા પદાર્થો નશીલા પદાર્થો સાથે 6 લોકોની ધરપકડ કરી છે અને આગળની કાર્યવાહી કરવામાં આવી રહી છે. પકડાયેલા ડ્રગ્સ અને ઇરાની નાવમાં બેઠેલા તમામ ગુનેગારોને કોચીની નજીકના સમુદ્ર કિનારા પર લાવવામાં આવી રહ્યા છે.

સુત્રો પાસેથી મળતી માહિતી અનુસાર આ ડ્રગ્સનો જથ્થો લઇને ઇરાની નાવ એક મહિના પહેલા પાકિસ્તાનની સમુદ્રી સીમા પરથી થઇને સમુદ્રની ઇક્વેટર લાઇન તરફ નિકળી હતી. ઇક્વેટર લાઇનની નજીક આ ડ્રગ્સ તેના રિસીવરને આપવામાં આવવાનું હતું. જો કે ભારતીય નૌસેના અને એનસીબીની સતર્કતાને કારણે આ ડ્રગ્સનું કન્સાઇનમેન્ટ પકડાઇ ગયું હતું.

ઉલ્લેખનીય છે કે, કાલે પણ ગુજરાતના જામનગરમાં એક અન્ય ઓપરેશનમાં ભારતીય નૌસેના ઇન્ટેલિજન્સ યુનિટ અને એનસીબીની સાથે જામનગરથી લગભગ 6 કરોડ રૂપિયાનાં માદક પદાર્થો જપ્ત કરવામાં આવ્યા છે. આ મુદ્દે એક વ્યક્તિની ધરપકડ કરવામાં આવી છે. મુંબઇથી ત્રણ વધારે લોકોની ધરપકડ કરવામાં આવી છે.

(વિથ ઇનપુટ કૌશિક કાંટેચા)