VIDEO: રાજકોટના લોકમેળામાં દુર્ઘટના, ચાલુ રાઈડમાં યુવકનું માથું બીજી રાઈડ સાથે અથડાયું

બ્રેક ડાન્સમાં બેઠેલા યુવકને ઈજા પહોંચી
રાજકોટના જન્માષ્ટમીના તહેવાર પર પરંપરાગત લોકમેળાનું આયોજન કરવામાં આવ્યું છે. જેમાં હજારોની સંખ્યામાં લોકો મજા માણવા માટે આવતા હોય છે. ત્યારે આજે બ્રેક ડાન્સમાં બેઠેલા યુવકે સેફ્ટી લોક ખોલી નાખતા અન્ય રાઈડ સાથે અથડાઈ ગયો હતો. જેથી રાઈડ ચાલકે તાત્કાલિક રાઈડ બંધ કરી હતી. દુર્ઘટમાં યુવકને માથાના ભાગે ઈજા પહોંચતા તેને સિવિલ હોસ્પિટલ લઈ જવામાં આવ્યો હતો.

રાજકોટના લોકમેળામાં બની દુર્ઘટના, બ્રેક ડાન્સ રાઈડમાં યુવકને પહોંચી ઇજા#Rajkot #BreakDance pic.twitter.com/GcT9LRE9im

— Gujarat Tak (@GujaratTak) August 19, 2022

ગોંડલના મેળામાં બે લોકોના કરંટ લાગતા મોત
બીજી તરફ ગોંડલમાં પણ લોકમેળામાં કરંટ લાગતા બે વ્યક્તિઓના મોત નિપજ્યા હતા. નોંધનીય છે કે, સાતમ-આઠમના તહેવારમાં રાજ્યભરના અનેક શહેરોમાં લોક મેળાનું આયોજન કરવામાં આવતું હોય છે. જેમાં તહેવારની મજા માણવા માટે મોટી સંખ્યામાં લોકો આવતા હોય છે. ત્યારે ક્યારેક બેદરકારીના કારણે લોકમેળાની મજા જોખમી બની શકે.