સાબરકાંઠામાં Income Tax ના કોન્ટ્રાક્ટરોને ત્યાં દરોડાનો મામલે, ફાયનાન્સ, આંગડીયા અને સિમેન્ટ પેઢીઓ પર લટકતી તલવાર

સાબરકાંઠા જિલ્લામાં ઇન્કમટેક્સના ધામા વચ્ચે મોટી પેઢીઓમાં દરનો માહોલ જોવા મળી રહ્યો છે. આ શદરમિયાન ગઈકાલે શરૂ થયેલા સર્ચ ઓપરેશનમાં હવે ઇન્કમટેક્સના કર્મચારીઓ દ્વારા ક્રોસ ચેકિંગની કાર્યવાહી શરૂ કરી દીધી છે. જેમાં ફાયનાન્સ, આંગડીયા અને સિમેન્ટની પેઢીઓમાં તપાસ કરવામાં આવી હતી. ઈન્કમટેક્ષ દ્વારા પેઢીના સંચાલકોના આર્થિક વ્યવહારો અને હવાલાઓને લઈ ક્નેક્શનની તપાસ કરવામાં આવી રહી છે. ત્યારે હવાલા અને ફાયનાન્સને લગતા શખ્શો અને પેઢી સંચાલકોની પણ પૂછપરછ હાથ ધરવામાં આવી છે.

સાબરકાંઠા જિલ્લામાં જીએચ વિજાપુરા, એચએસ ખણુશિયા અને અનીશ વિજાપુરા તેમજ એપેક્ષ ગ્રુપમાં ઈન્કમટેક્ષ દ્વારા કાર્યવાહી કરીને હિસાબોની ચકાસણી કરવામાં આવી રહી છે. આ ઉપરાંત શહેર અને શહેર બહાર કેટલી સંપત્તિઓ પેઢીના ભાગીદારો અને પેઢી સાથે સંકળાયેલા વ્યક્તિઓ ધરાવે છે, તે તમામ વિગતોને એકઠી કરવામાં આવી રહી છે. આ પૈકીના મોટા કોન્ટ્રાક્ટરની વિજાપુરા અને ખણુશીયા પેઢીના વ્યવહારોમાં કાળા નાણાને લઈને પણ સર્ચ કરવામાં આવી રહ્યુ છે. કેટલાક હવાલાઓની વિગતો પણ સામે આવી હોવાને લઈ તે અંગે પણ ક્રોસ ચેક કાર્યવાહી હાથ ધરવામાં આવી હતી.

વિદેશમાં પણ વ્યવહારોની આશંકા
સાબરકાંઠા જિલ્લામાં ગઈકાલથી જીએચ વિજાપુરા, એચએસ ખણુશિયા અને અનિશ વિજાપુરા તેમજ એપેક્ષ પેઢીમાં દરોડાના કાર્યવાહી હાથ ધરવામા આવી છે. જેમાં વિજાપુરા અને ખણુશિયા પેઢીના વ્યવહારો મોટા પ્રમાણમાં દેશ અને વિદેશમાં ચાલતા હોવાની આશંકા છે. આ પેઢીઓ પૈકી કેટલાક વિદેશમાં પણ કારોબાર કરી ચૂક્યા હોવાની ચર્ચા છે.

આ પણ વાંચો: ભણતરનો ભાર.. રાજ્યનો દર 17મો વિદ્યાર્થી ધો.8 પછી છોડી દે છે અભ્યાસ, ડ્રોપ આઉટ રેશિયોમાં ગુજરાત છઠ્ઠા ક્રમે

સિમેન્ટની પેઢી પર પણ તવાઈ
બાંધકામના વ્યવસાયમાં સિમેન્ટનો ઉપયોગ વધુ થઈ રહ્યો હોય જેને પગલે સિમેન્ટના હિસાબો અને તેની એન્ટ્રીઓને લઈને હિંમતનગરની એક સિમેન્ટ પેઢીના સંચાલકોની પુછપરછ કરવામાં આવી હતી. આ પેઢી દેશભરમાં મોટા પ્રમાણમાં સિમેન્ટ સપ્લાય કરે છે.મહારાષ્ટ્રના એક કદાવર નેતાના સંબંધીની પેઢીમાં કોન્ટ્રાક્ટરોના વ્યવહારોને લઈ પૂછપરછ કરવામાં આવી હતી.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…