SURAT માં ડોક્ટર યુવતીએ GAME OVER લખેલું ટીશર્ટ લખી આત્મહત્યા કરી

એટીકેટી આવવાના કારણે વિદ્યાર્થીની ડિપ્રેશનમાં હતી
ઘટના અંગે વિગતે મળતી માહિતી અનુસાર જહાંગીરપુરા ખાતે પટેલ નગરમાં રહેતી જાનવી દિલીપભાઇ પટેલ (ઉ.વ 20) કિમના અણીતા ગામમાં આવેલી મેડિકલ કોલેજમાં અભ્યાસ કરતી હતી. સોમવારે બપોરે જાનવીબેને ઘરમાં પંખા સાથે દુપટ્ટોબાંધીને ફાંસો ખાધો હતો. બહારથી આવેલા પરિવારના લોકો જાનવીબેનને ફાંસો ખાધેલી હાલતમાં જોઇને હેબતાઇ ગયા હતા.

ફરજપરના તબીબોએ યુવતીને મૃત જાહેર કરી
તત્કાલ જાનવીને નીચે ઉતારી હોસ્પિટલ ખસેડી હતી. જો કે ફરજપરના તબીબોએ તેને મૃત જાહેર કરી હતી. પરિવાર પર તો જાણે આભ ફાટી પડ્યું હતું. યુવતીની માતા શિક્ષિકા છે, જ્યારે પિતા દિલીપભાઇ પાલિકામાં ડેપ્યુટી એન્જિનિયર છે. જ્યારે ભાઇ પાલિકાના વેક્સિનેશન વિભાગના મેડિકલ ઓફીસર તરીકે કામ કરે છે. જાનવીના અણધાર્યા પગલાથી પરિવાર પરેશાન છે.