મહીસાગરમાં પાકને બચાવવા જગતનો તાત ઠંડીમાં ઠુઠવાવા બન્યો મજબૂર, જંગલી પશુઓના ત્રાસથી છે ત્રાહિમામ

મહીસાગર પંથકમાં ખેડૂતો દ્વારા તૈયાર કરેલ ઉભા પાકને નીલગાય ભુંડ અને અન્ય પ્રાણીઓ નુકશાન કરતા હોય છે.  અ  આથી આવા પ્રાણીઓથી બચાવવા ખેડૂતવર્ગ દ્વારા જાત જાતના નુસ્ખા કરવામાં આવતા હોય છે ખેડૂતો દ્વારા સાડીની વાડ બનાવતા હોય છે.  અને જેના કારણે પશુઓની નઝરમાંના આવે આ ઉપરાંત કેટલેક ઠેકાણે ખેડૂતો દ્વારા પ્લાસ્ટીકની કોથળીઓ બાંધી રાખતા હોય છે. જેથી પવન આવે ત્યારે તેના અવાજને કારણે પણ પશુઓ આવતા અટકે.  તો કેટલાક ખેડૂતો દ્વારા આબેહુબ માણસ જ લાગે તેવા ચાડીયા ખેતરમાં ઉભા કરતા હોય છે. ઘણા બધા નુસ્ખાઓ કર્યા બાદ પણ નીલગાય અને ભુંડના રંજાડ ચાલુ જ રહેતો હોય છે.

હાલમાં રવિપાકની સીઝનમાં ઘઉ, મકાઇ જેવા પાકોનું વાવેતર કર્યુ છે.  ત્યારે વનવિભાગ દ્વારા નીલગાય દ્વારા ખેડૂતના પાકને  નુકશાનના થાય તે માટે કાર્યવાહી કરવામાં આવે તે જરુરી બન્યુ છે. નીલગાય અને ભુંડના ત્રાસથી પાકને બચાવવા માટે ખેડૂતો દ્વારા જાતજાતના નુસ્ખાઓ અજમાવામાં આવી રહયા છે.   ખેતરને ફરતે સાડીની વાડ કરીને પાકને રક્ષણ માટે ખેડૂત દ્વારા પ્રયત્નો કરવામાં આવી રહ્યા છે