પ્લેનમાં બેસો તો તમારા જોખમે બેસજો, સુરતમાં નાના ટેણીયાઓ ઉડાવે છે પ્લેન

આ ટેણીયો ઉભા પ્લેનમાં નહી પરંતુ ટેકઓફની તૈયારી કરી રહેલા ચાલુ પ્લેનમાં ચેડા કરી રહ્યો હોવાનું સ્પષ્ટ જોઇ શકાય છે. તેવામાં આ પ્લેનમાં બેઠેલા લોકોનાં જીવ સ્પષ્ટ રીતે જોખમમાં મુકવામાં આવી રહ્યા છે. જો કે આ વીડિયો ક્યાંનો છે તે અંગે કોઇ પૃષ્ટી થઇ શકી નથી પરંતુહાલ આ વીડિયો ખુબ જ વાયરલ થઇ રહ્યો છે.

બાળક હેડફોન પહેરીને પાયલોટની જેમ જ સ્ટીયરિંગ પણ ઓપરેટ કરી રહ્યો છે. આ વીડિયો સુરત એરપોર્ટના એર વેંચુરા પ્લેનનો હોવાનું અનુમાન છે. પાયલોટની પણ મોટી બેદરકારી સામે આવી રહી છે. સુત્રો અનુસાર આ સુરતના એક મોટા નેતાના સંબંધિનો પુત્ર હોવાના કારણે તેને આ તમામ પ્રકારની સુવિધા આપવામાં આવી હોવાનું જણાવાઇ રહ્યું છે. જો કે હજી આ અંગે કોઇ અધિકારીક પ્રતિક્રિયા કે અધિકારીક કાર્યવાહી થઇ નથી.

(વિથ ઇનપુટ સંજયસિંહ રાઠોડ)

સુરત એરપોર્ટમાં ગંભીર બેદરકારીનો VIDEO VIRAL: નેતાજીના ટેણીયાને પ્લેનનો શોખ જાગ્યો તો નેતાજીએ રમકડાના પ્લેનના બદલે સાચા પ્લેનમાં પાયલોટની બાજુમાં બેસાડી દીધોhttps://t.co/JlmdJVRnsk

— Gujarat Tak (@GujaratTak) October 13, 2022