કાળા ઝંડા બતાવી ભલે વિરોધ કર્યો હું તમારા બાળકો માટે સારી શાળા બનાવીશ

કોંગ્રેસ અને ભાજપ બંન્ને ભાઇ ભાઇ છે રાત્રે બેસીને બધા સેટિંગ કરી નાખે છે
કેજરીવાલે ભાજપ અને કોંગ્રેસને ભાઇ ભાઇ ગણાવ્યા હતા. બંન્ને પાર્ટીઓમાં ઇલુ ઇલુ ચાલે છે. અડધી રાત્રે બંધ બારણે સભાઓ કરીને બધુ જ સેટિંગ પાડી દે છે. બંન્ને પાર્ટીઓ કહે છે કે, કેજરીવાલ રાક્ષસ છે, તમે આ લોકોને માફ કરશો? નવસારીના ચીખલીમાં કાળા ઝંડા બતાવીને મારો વિરોધ કરવામાં આવ્યો પરંતુ તેનાથી મને કાંઇ ફરક પડતો નથી. આ લોકોનો પણ હું આભાર માનું છું અને અમારી સરકાર આવ્યા બાદ અમે તમારા બાળકો માટે જ સ્કુલ બનાવીશું. ભ્રષ્ટાચારમુક્ત શાસન આપશું અને અમારા કોઇ ધારાસભ્ય ચોરી નહી કરે. ચોરી કરનારા અધિકારી કે નેતા જેલમાં જશે.

અધિકારીઓ ઘરે આવીને તમારા કામ કરી જશે
કેજરીવાલે કહ્યું કે, ગુજરાતમાં દરેકે દરેક સ્તરે ભ્રષ્ટાચાર છે. જો કે અમારી સરકાર આવી એટલે સમજો કે ભ્રષ્ટાચારને ગુજરાતમાંથી ભગાડી દઇશું. કોઇ પણ સાચા કામ માટે તમારે એક રૂપિયાનો ખર્ચો નહી કરવો પડે. અધિકારી તમારૂ ઘરે આવીને કામ કરી જશે. વિજળીબીલ, પાણી સહિતની અનેક સરકારી સુવિધાઓ ફ્રી થઇ જશે.