JAMNAGAR ની હોટલમાં ભયાનક આગ, અનેક VIP ફસાયા હોવાની આશંકા

હોટલમાં ફસાયેલા 7 થી 8 લોકોને રેસક્યુ કરીને હોસ્પિટલ ખસેડવામાં આવ્યા છે. અત્રે નોંધનીય છે કે, જામનગર-ખંભાળીયા હાઇવે પર સિક્કા પાટિયા નજીક આવેલી હોટલ એલેન્ટામાં આજે રાત્રે આઠ વાગ્યે અચાનક જ આગ લાગી ગઇ હતી. જો કે આગની પાછળનું ચોક્કસ કારણ જાણી શકાયું નથી. પરંતુ આગ એટલી વિકરાળ હતી કે, જોતજોતામાં જ સમગ્ર હોટલમાં ફેલાઇ ગઇ હતી. આગના કારણે સમગ્ર હોટલમાં ભારે અફડાતફડી મચી ગઇ હતી. શરૂઆતી ફ્લોર પર રહેલા લોકો બહાર નિકળવામાં સફળ રહ્યા હતા.

ફાયરબ્રિગેડ દ્વારા રેસક્યું ઓપરેશન ચલાવાઇ રહ્યું છે. 8 લોકોને બહાર કાઢીને હોસ્પિટલ ખાતે સારવાર માટે ખસેડવામાં આવ્યા હતા. આ લોકો પૈકી 2ની સ્થિતિ અત્યંત ગંભીર હોવાનું જાણવા મળી રહ્યું છે. જો કે હજી પણ હોટલમાં અનેક લોકો ફસાયેલા હોવાની શક્યતા છે. આસપાસમાં અનેક ઇન્ડસ્ટ્રીઝ આવેલી હોવાનાં કારણે અહીં વીઆઇપી લોકોની અવરજવર પણ વધારે રહેતી હોય છે. તેથી હોસ્પિટલમાં અનેક વીઆઇપી ફસાયા હોવાની પણ આશંકા છે. આગનું સ્વરૂપ એટલું વિકરાળ હતું કે આખી હોટલ જ આગની ઝપટે ચડી ચુકી છે.

(વિથ ઇનપુર દર્શન ઠક્કર)