Hit & Run: ઓડી કારે બાઈક ચાલકને ટક્કર મારી, ચીમનભાઈ બ્રીજથી RTO સર્કલ સુધી ઢસડ્યો

કાર ચાલક અકસ્માત કરી ફરાર થઈ ગયો…
અમદાવાદમાં મોડી રાત્રે એક પૂરપાટ ઝડપે આવતી ઓડી કારે બાઈકને અડફેટે લીધું હતું. પ્રાથમિક માહિતી પ્રમાણે ઓડી કાર ચાલકે ચીમનભાઈ બ્રિજ પાસે બાઈકને ટક્કર મારી હતી. એટલું જ નહીં ત્યાંથી RTO સર્કલ સુધી તે બાઈક ચાલકને ઢસડતો ગયો હતો. જેના પરિણામે 25 વર્ષીય યશ ગાયકવાડ (બાઈક ચાલક)નું ઘટનાસ્થળે જ કરૂણ મોત નીપજ્યું હતું.

ગાડીનો નંબર સામે આવ્યો
હિટ એન્ડ રન કેસમાં ફરાર કાર ચાલકની ગાડીનો નંબર સામે આવ્યો છે. ઓડી કારનો નંબર GJ -01- RP- 0774 છે. આ દરમિયાન એલ ડિવિઝવન ટ્રાફિક પોલીસે ફરિયાદ નોંધીને વધુ તપાસ હાથ ધરી છે.