ડાંગમાં મેઘરાજાની ધમાકેદાર બેટિંગ, ડ્રોન કેમેરા નજરે જુઓ ગીરાધોધનો અદભૂત નજારો

આહવામાં 4 કલાકમાં 3 ઈંચ વરસાદ
ડાંગ જિલ્લાના ઉપરવાસમાં રાત્રી દરમિયાન ભારે વરસાદ પડ્યો હતો. આ સાથે રાત્રે 2 થી સવારે 6 સુધી 4 કલાકમાં આહવામાં 3 ઇંચ, સાપુતારા 1.5 ઇંચ, સુબિર 1.5 ઇંચ, વઘઇમાં 1 ઇંચ વરસાદ પડ્યો હતો. જેના પગલે નદીઓમાં ઘોડાપુર આવ્યા હતા. જિલ્લાની પૂર્ણા, અંબિકા અને ખાપરી નદીમાં ઘોડાપુરની સ્થિતિ સર્જાઈ છે. પૂર્ણા નદીમાં જળસ્તર વધતા માયાદેવી મંદિર પાણીમાં ગરકાવ થઈ ગયું છે.

અંબિકા નદી પર ગીરાધોધનું રૌદ્ર રૂપ
તો બીજી તરફ અંબિકા નદી ઉપર ગીરાધોધ રૌદ્ર સ્વરૂપે જોવા મળ્યો હતો. એવામાં સ્થાનિકો અને પ્રવાસીઓને નદી કિનારે ન જવા વહીવટી તંત્રની અપીલ કરવામાં આવી છે. પૂર્ણા નદીમાં કેચમેન્ટ વિસ્તારમાં પાણીની આવક જોતા નવસારીમાં પૂર્ણા નદીની સપાટીમાં વધવાની શકયતા છે.

ડ્રોન કેમેરાની નજરે જુઓ ગીરાધોધનો નજારો#giradhodh #Dang #Saputara pic.twitter.com/oiRif39jWg

— Gujarat Tak (@GujaratTak) July 27, 2023