શેત્રુંજય પર્વત વિવાદ મામલે હર્ષ સંઘવીનું મોટું નિવેદન કહ્યું, એસઆઇટીના નામ આજે જાહેર કરવામાં આવશે

ઉતરાયણ પર્વ નજીક આવી રહ્યું  છે ત્યારે રાજ્યમાં ચાઇનીઝ દોરી સતત પકડાઈ રહી છે. આ દરમિયાન ગૃહ રાજ્ય મંત્રી હર્ષ સંઘવીએ  ચાઇનીઝ દોરીનો ઉપયોગ ન કરવા અપીલ કરતાં કહ્યું કે, સૌ ગુજરાતીઓને બે હાથ જોડીને અપીલ છે. વેચનાર પણ આપણામાંથી જ કોઈ છે, અને લેનાર પણ આપણામાંથી જ કોઈ છે. અને પકડનાર પણ આપણો ગુજરાતી જ છે. હું વેચનારને કહેવા માગું છું કે કાયદો કાયદાનું કામ જરૂર કરશે. અને ગુજરાતમાં આ બાબતે ખૂબ જ કડક પગલાં ભરવા માટે ગુજરાત પોલીસને સુચના આપી છે. પરંતુ ચાઈનીઝ દોરા લેનાર સૌ ગુજરાતના નાગરિકોને પણ વિનંતી કરું છું કે, આપણે સૌ આપણી જે પરંપરા છે એ પરંપરા ને સારી રીતે ઉજવી શકીએ તે માટે વર્ષો વર્ષથી પૌરાણિક કાળથી આપણે જે આપણું ગુજરાતી આ માટે જે દોરો બને છે એ એનો ઉપયોગ કરો ચાઈનીઝ દોરાનો ઉપયોગ જરૂરથી તમે લોકો ટાળો.  અને કોઈ પણ ગુજરાતીઓએ ચાઈનીઝ દોરો ન ખરીદવો જોઈએ તેવી મારી બે હાથ જોડીને નમ્ર વિનંતી છે. કારણ કે આ ચાઈનીઝ દોરાથી આપણા જ વચ્ચેના અનેક લોકોએ પોતાનો જીવ ગુમાવવો પડે છે. આ પાપ માંથી ક્યારેય આપણે ના બચી શકીએ. આપને વિનંતી છે કે ચાઈનીઝ દોરાથી જરૂરથી દૂર રહેજો.