નવસારીઃ T’shirt પર લખ્યું હતું ‘The Boss’, છ મહિનાનું બાળક મૃત અવસ્થામાં મળ્યું

નવસારીઃ હમણા કેટલાક સમયથી બાળકો મળી આવવાની સંખ્યામાં જાણે વધારો થઈ રહ્યો હોય તેવું જોવા મળી રહ્યું છે. હાલમાં જ વડોદરામાં એક ઘટના બની હતી જેમાં એક યુગલે પોતાના લગ્નના બે દિવસ પહેલા જન્મેલા બાળકને કચરાપેટીમાં ત્યજી દીધું હતું. સગાઈ દરમિયાન બંધાયેલા શરીર સંબંધોનું આ પરિણામ તેમને મંજુર ન હતું જેથી તેમણે આ પગલું લીધું હોવાનું સામે આવતા વડોદરા પોલીસે કાર્યવાહી હાથ ધરી હતી. હાલ હવે નવસારીમાં એક બાળક મળી આવ્યું છે જોકે તે મૃત છે પરંતુ તેના કપડા અને પહેરવેશ જોઈ તે કોઈ મધ્યમ વર્ગના પરિવારનું સુખી ઘરનું બાળક હોય તેવું લાગી રહ્યું છે.