ગાંધીનગરમાં ફરતા ફરતા મેદાનમાં પહોંચ્યા GTના ખેલાડીઓ, યુવાનો સાથે ટેનિસ બોલ પર ક્રિકેટ રમ્યા, જુઓ VIDEO

ગુજરાત ટાઈટન્સના ખેલાડીઓ રમ્યા ક્રિકેટ
વીડિયોમાં જોઈ શકાય છે કે ગુજરાત ટાઈટન્સના સ્ટાર સ્પીનર રાશિદ ખાન, ઓડિયન સ્મિથ તથા નૂર અહેમદ બુધવારે સાંજે મહાત્મા મંદિર તરફ લટાર મારવા માટે નીકળ્યા હતા. આ દરમિયાન ત્રણેય ખેલાડીઓ એક મેદાનમાં ક્રિકેટ રમતા કેટલાક યુવાનોને જોઈને તેમની પાસે પહોંચ્યા હતા અને બેટિંગ તથા બોલિંગમાં હાથ અજમાવ્યો હતો.

મહાત્મા મંદિર પાસે ક્રિકેટ રમતો વીડિયો વાઈરલ
ત્યારે ઈન્ટરનેશનલ ખેલાડીઓ પોતાની સાથે ક્રિકેટ રમવા આવતા યુવાનો પણ ખુશ-ખુશ થઈ ગયા હતા અને તેમની સાથેની રમતના વીડિયો બનાવીને સોશિયલ મીડિયા પર પોસ્ટ કર્યા હતા. જે હવે સામે આવી રહ્યા છે. વીડિયોમાં જોઈ શકાય છે કે, રાશિદ ખાન અને ઓડિયન સ્મિથ ગગનચૂંબી શોટ મારે છે.