‘કમલમમાં તમારું સેટિંગ નથી તો ગુજરાતમાં નોકરી નહીં મળે’- પેપરલીક મુદે મેવાણી લાલઘૂમ

#JuniorClerk ની #exam નું #Paperleak થઈ જતા મોકુફ થયેલી પરીક્ષાને લઈને વિદ્યાર્થીઓની હાલત ફરી એક વખત જૈસે થે જેવી થઈ છે. આ મામલે આક્રોશ વ્યક્ત કરતાં ધારાસભ્ય @jigneshmevani80 એ ભાજપ અને ગુજરાત સરકાર પર આકરા વાકબાણ ચલાવ્યા હતા pic.twitter.com/cj5wp42ATl

— Gujarat Tak (@GujaratTak) January 29, 2023

જીગ્નેશ મેવાણી, રેશ્મા પટેલ અને દિનેશ બાંભણીયાએ શું કહ્યું
ગુજરાતમાં વધુ એક સરકારી ભરતીનું પરીક્ષા પેપર લીક થઈ જતા વિદ્યાર્થીઓ નારાજ થયા છે. આ મામલે જીગ્નેશ મેવાણીએ સરકાર પર આકરા પ્રહાર કર્યા હતા. તેમણે કહ્યું કે વારંવાર ગુજરાતમાં પેપર લીક થવાની ઘટનાઓ થાય છે પરંતુ અત્યાર સુધી નક્કર પગલા લેવાતા જોવા મળ્યા નથી. તેમણે કહ્યું કે જો તમારું સેટિંગ ભાજપના કમલમમાં નથી તો પછી ગુજરાતમાં તમને નોકરી મળશે નહીં. આ મામલે આમ આદમી પાર્ટીના પ્રવક્તા રેશ્મા પટેલે કહ્યું કે, ગુજરાતમાં 156 કૌરવો બેઠા છે એટલે જ આવા રાક્ષસો પેદા છે. વિદ્યાર્થીઓને હેરાન કરતા રાક્ષસો બેફામ હોય તે સરકારની નિષ્ફળતા છે. પાટીદાર નેતા દિનેશ બાંભણીયાએ કહ્યું કે, ગુજરાત સરકારના જવાબદારોને વિનંતી કરું છું કે, લાખો વિદ્યાર્થીઓ જ નહીં પણ તેમના પરિવારના પણ સપના અને મહેનત હોય છે. તુરંત અને કડક કાર્યવાહી કરે સાથે જ પરીક્ષા પણ ફરીથી લે જેથી વિદ્યાર્થીઓને એક આશ્વાસન મળે.

#Gujarat માં વધુ એક વખત #Paperleak થતા @AAPGujarat ના પ્રવક્તા રેશ્મા પટેલ અને PAAS નેતા દિનેશ બાંભણીયાએ રોષ વ્યક્ત કર્યો હતો pic.twitter.com/gNKukragNr

— Gujarat Tak (@GujaratTak) January 29, 2023

આંધ્ર પ્રદેશથી પેપર લીક થયું
હાલમાં મળી રહેલી વિગતો પ્રમાણે જુનિયર ક્લાર્કનું જે પેપર લીક થયું છે તે ગુજરાત બહારથી લીક કરવામાં આવ્યું હોવાનું જાણવા મળી રહ્યું છે. વિગતો એવી પણ મળી રહી છે કે આ પેપર આંધ્ર પ્રદેશથી લીક થયું છે. જોકે તેની હાલ કોઈ સત્તાવાર વિગતો સામે આવી નથી.

ઠેરઠેર વિરોધ પ્રદર્શનો
પેપર લીક થતા આ વખતે વિદ્યાર્થીઓને છેલ્લી ઘડીએ ધક્કો પડ્યો અને તેમનામાં નારાજગી ભભૂકી ઊઠી હતી. મહિસાગરમાં જિલ્લાના મુખ્ય મથકે પરીક્ષાર્થીઓ દ્વારા ચક્કાજામ કરી દેવામાં આવ્યો હતો. હાઈવે જામ કરી દેવાતા ટ્રાફીકની સમસ્યા ઊભી થઈ હતી. જેની જાણ થતા લુણાવાડા પોલીસ સ્થળ પર દોડી આવી હતી અને સમજાવટ કરી ટ્રાફીક પુર્વવત કરાવ્યો હતો. આવી જ સ્થિતિ ગોધરામાં પણ હતી. જ્યાં ગોધરા બસ સ્ટેન્ડ પર વિદ્યાર્થીઓએ ઉગ્ર વિરોધ કરી ટ્રાફીક જામ કરી દીધો હતો. પોલીસ ખડકીને વિદ્યાર્થીઓને શાંત કરવાના પ્રયત્નો કરવામાં આવ્યા હતા.

(ઈનપુટઃ ગોપી ઘાંઘર, ગાંધીનગર)