તસ્કરોનો ખેડાના સોનીના બંધ મકાનમાં 30 કિલો ચાંદીનો હાથ ફેરો

સુરતમાં રખડતા કૂતરાઓનો આતંક, 15 દિવસમાં 477 લોકોને કરડતા મનપાએ પાંજરા મુક્યા

સાંકળાબજારના જ્વેલર્સના ઘરે ચોરી
મળતી માહિતી અનુસાર, મૂળ મહેમદાવાદના અને નડિયાદમાં સ્પર્શવીલા સોસાયટીમાં રહેતાં બિરેનભાઈ મહેશભાઈ સોની મહેમદાવાદમાં સાંકળા બજારમાં દુકાન ધરાવે છે. બિરેનભાઈ મહેમદાવાદના પારસકૂઈ વિસ્તારમાં જૈન દેરાસર પાસે મોરારી ભુવનમાં એક મકાન ધરાવે છે. આ મકાનમાં તેઓ દુકાનના વધારાના સોના-ચાંદીના દાગીના મુકી રાખતા હતા. જોકે આ મકાન મોટેભાગે બંધ રહેતું હોવાથી બિરેનભાઈએ દુકાનમાં મદદ કરતાં પોતાના ભત્રીજા પુરવ સોનીને આ મકાન વપરાશ માટે આપ્યું હતું. પુરવ સોની અને તેમની માતા દરરોજ રાત્રે આ મકાનમાં સુવા માટે જતા હતા. છેલ્લાં એકાદ અઠવાડિયાથી પુરવ સોનીના માતા બિમાર હોવાથી તેઓ બિરેનભાઈના મકાનમાં જતા ન હતા. જેથી આ મકાન બંધ હતું. દરમિયાન ગત મંગળવારના વહેલી સવારના સમયે બિરેનભાઈના બંધ મકાનમાં તસ્કરોએ મુખ્ય દરવાજાનો નકુચો તોડી મકાનમાં પ્રવેશ કર્યો હતો. તસ્કરો કબાટમાંથી 15 લાખ રૂપિયાની કિંમતના 30 કિલો ચાંદીના દાગીનાની ચોરી કરી, ફરાર થઈ ગયાં હતાં. આ મામલે બિરેનભાઈ સોનીની ફરિયાદના આધારે મહેમદાવાદ પોલીસે અજાણ્યાં તસ્કર વિરૂધ્ધ ગુનો નોંધી કાયદેસરની કાર્યવાહી હાથ ધરી છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…