અમદાવાદમાં ખુલ્લેઆમ ફાયરિંગઃ પઠાણ પર 3 રાઉન્ડ ફાયરિંગ ઘટના થઈ CCTVમાં કેદ

અંગત અદાવતમાં ફાયરિંગ
અમદાવાદના સરખેજ વિસ્તારમાં પૈસાની લેતી દેતી મામલામાં ફાયરિંગ થયાની ઘટના સામે આવી છે. અમદાવાદના સરખેજ વિસ્તારમાં અંગત અદાવતમાં વહેલી સવારે ફાયરિંગ થયાની ઘટના બની હતી. આ ઘટના સામે આવતા પોલીસ પણ સ્થળ પર દોડી ગઈ હતી. ઘટનાના હવે સીસીટીવી સામે આવ્યા છે. આ ઘટનામાં મળી રહેલી વિગતો પ્રમાણે સલમાન પઠાણ નામના વ્યક્તિના ઘરે મુદ્દસર ખાને પૈસાની લેતી દેતી મામલામાં ફાયરિંગ થયું હોવાનું જાણવા મળી રહ્યું છે. સલમાન પઠાણના ઘરે લગભગ 5થી 6 શખ્સો આવી ચઢ્યા હતા. જેમના દ્વારા ત્રણ રાઉન્ડ ફાયરિંગ કરવામાં આવ્યું હતું સાથે જ પથ્થરો ફેંકવામાં આવ્યા હતા. સમગ્ર ઘટના ત્યાં લગાવવામાં આવેલા એક સીસીટીવી કેમેરામાં કેદ થઈ ગઈ હતી. બનાવને પગલે પોલીસે વધુ તપાસ હાથ ધરી છે.