સુરત કોર્ટની સજા પછી પટણાની માનહાનીમાં ફસાયેલા રાહુલ ગાંધીનું શું થશે

અપરાધ માટે એક જ સજા થઈ શકે
સુપ્રીમ કોર્ટના વકીલ ફુઝૈલ ખાનના જણાવ્યા અનુસાર, ભારતીય ન્યાયિક પ્રણાલી અને બંધારણના અનુચ્છેદ 13 અનુસાર, આરોપ અથવા અપરાધ માટે માત્ર એક જ સજા થઈ શકે છે અને તેવું સુરત કોર્ટમાં થયું છે. હવે રાહુલ ગાંધીએ પટણા કોર્ટમાં સુરત મેજિસ્ટ્રેટ કોર્ટના સજાના આદેશ અને સેશન્સ કોર્ટના જામીનના આદેશને રજૂ કરીને જણાવવું પડશે કે આ આરોપમાં સજા અને જામીન બંને થઈ ચૂક્યા છે. આ સિવાય પટણા કોર્ટમાં જામીન માટે અરજી કરવાની રહેશે. આ સિવાય નીચલી કોર્ટમાંથી રાહુલ ગાંધીને જારી કરાયેલા સમન્સને રદ્દ કરવા માટે પટણા હાઈકોર્ટમાં પણ અરજી કરવી પડશે. ત્યાં પણ રાહુલ ગાંધીની કાનૂની સલાહકાર ટીમ સુરત કોર્ટના આદેશ સામે અપીલ કરશે.

બિલ્ડર જેરામ કુંડારિયાના આપઘાતના પ્રયાસ કેસમાં BJP MLA કાંતિલાલ અમૃતિયાનું નામ સુસાઇડ નોટમાં, જાણો શું લખ્યું

આ સુનાવણીમાં રાહુલ ગાંધીને વ્યક્તિગત રીતે હાજર રહેવાની જરૂર નથી. પરંતુ જ્યારે જામીન અરજીની સુનાવણી થશે ત્યારે રાહુલે રૂબરૂ હાજર થવું પડશે. કારણ કે તે સમયે કોર્ટ આરોપીનું સંપૂર્ણ વેરિફિકેશન કરે છે. એટલે કે વ્યક્તિગત ઓળખની સંપૂર્ણ વિગતો નોંધ્યા બાદ જ જામીન મંજૂર કરવામાં આવે છે. ગુનાહિત બાબતોમાં નિષ્ણાત વકીલ સુશીલ ટેકરીવાલનો મત અલગ છે. ટેકરીવાલના જણાવ્યા અનુસાર, સુરત કોર્ટના નિર્ણય છતાં પટણા કોર્ટ આ કેસમાં ટ્રાયલનો આદેશ આપી શકે છે. જો કે, સુનાવણીના આ પ્રારંભિક તબક્કે રાહુલ ગાંધી માટે વ્યક્તિગત રીતે કોર્ટમાં હાજર રહેવું જરૂરી નથી. તે સુનાવણી દરમિયાન વ્યક્તિગત હાજરીમાંથી મુક્તિની વિનંતી કરી શકે છે. પરંતુ ટેકરીવાલની નજરમાં રાહુલને ટ્રાયલનો સામનો કરવો પડશે.

સમન્સ રદ્દ કરવાની અરજી
હવે રાહુલ ગાંધી પાસે સુપ્રીમ કોર્ટમાં જઈને આ મામલાને લગતી તમામ એફઆઈઆર અથવા ફરિયાદો અથવા કેસને ક્લબ કરવાનો વિકલ્પ પણ નથી. હા, રાહુલ પટણા હાઈકોર્ટ સમક્ષ કલમ 482 CrPC અને બંધારણની કલમ 20(2) હેઠળ અરજી દાખલ કરી શકે છે. તેના દ્વારા સમન્સ રદ કરવાની અને એક જ ગુનામાં બે વખત સજા ન કરવાની અપીલને સમર્થન મળે છે. ટેકરીવાલના જણાવ્યા અનુસાર, જો કે તેમને પ્રથમ સુનાવણીમાં તાત્કાલિક રાહત મળશે, પરંતુ સુરતમાંથી તેમને રાહત મળી હોવાથી આગામી સુનાવણીમાં તેમને જામીન મળવાની શક્યતા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…