Gujarat Rain: લાંબી બ્રેક પછી શિતળા સાતમની સાંજે નર્મદા જિલ્લા પર વરસાદની મહેર- Video

લોકો જોતા હતા રાહ અને શરૂ થયો વરસાદનો સુસવાટો

લાંબા સમયના ઉકળાટ પછી નર્મદા જિલ્લામાં વરસાદે સટાસટી બોલાવી છે. ઉલ્લેખનીય છે કે હાલમાં જ મહિસાગર જિલ્લામાં મેઘરાજાને રીઝવવા આદિવાસી સમાજની મહિલાઓએ વરસાદ માગવાનો પોતાની માન્યતાને લઈને વરસાદ માગવા નીકળ્યા હતા. આવું તો ઘણું ગુજરાતમાં થવા લાગ્યું હતું. આવ રે વરસાદ કરીને તો ક્યાંય લોકો ચાતકની જેમ રાહ જોઈ રહ્યા હતા. તેવામાં હવે વરસાદની એન્ટ્રીએ રાહત આપી છે.

વરસાદ ખેંચાતા ખેડૂતો પણ વધુ વીજળીની માગ કરી રહ્યા હતા ત્યાં સરકારે કેટલાક જિલ્લાઓને 8ને બદલે ખેતી માટે 10 કલાકની વીજળી આપવાની જાહેરાત કરી હતી. તો બીજી બાજુ જેવી આ જાહેરાત થઈ ત્યાં ખેડૂતોએ લો વોલ્ટેજ વીજળી મળતી હોવાની પણ બુમો પાડી હતી.

(ઈનપુટઃ નરેન્દ્ર પેપરવાલા, નર્મદા)