Gujarat Police ભરતી બનશે સરળ, નિયમોમાં ફેરફાર અંગેની Exclusive માહિતી

Gandhinagar : પોલીસ વિભાગમાં ભરતી થવા ઇચ્છતા ઉમેદવારો માટે મોટા સમાચાર સામે આવી રહ્યા છે. તેઓને હવે પોલીસમાં ભરતી થવા માટેના નિયમો સરળ કરવાની તૈયારીઓ સરકારે શરૂ કરી દીધી છે. સરકાર આ અંગે ગંભીરતાથી વિચારણા કરી રહી છે. આજે આ અંગે થયેલી બેઠકમાં ગૃહમંત્રી હર્ષ સંઘવી પણ હાજર રહ્યા હતા. ભરતી માટેની શારીરિક અને શૈક્ષણિક લાયકાતોમાં ફેરફાર કરવામાં આવી શકે છે. ભરતી અંગે સંબંધિત વિભાગના અધિકારી, ભરતી ક્ષેત્રના નિષ્ણાંતો, પૂર્વ અધિકારીઓ અને શારીરિક અને માનસિક ક્ષેત્રના તજજ્ઞો દ્વારા ભરતીના નિયમો તૈયાર કરવામાં આવશે.