IPS સફીન હસને શેર કર્યો અમદાવાદ પોલીસનો આ ભાવુક વીડિયોઃ જુઓ કેવી રીતે કરી લોકોની મદદ કરશો સલામ

Wishing you all very happy Diwali from @PoliceAhmedabad.
We are on roads so that you can reach home in time. Thank you for the support.@sanghaviharsh @CMOGuj @PIBAhmedabad @AhmedabadPolice @dgpgujarat pic.twitter.com/SNKHd3zrDc

— Safin Hasan (@SafinHasan_IPS) October 24, 2022

તમે સલામત ઘરે પહોંચી જાઓ એ જ અમારી દિવાળી
વીડિયોમાં આપ જોઈ શકો છો કે, કેટલાક જવાનો ટ્રાફિકનું નિયમ કરે છે તો કેટલાક જવાનોએ ભીડભાડમાં અટવાઈ પડેલા દિવ્યાંગ વ્યક્તિઓને ઓટોમાં બેસાડી તેમને જ્યાં જવું હતું ત્યાંની વ્યવસ્થા કરી આપી હતી. આ ઉપરાંત એક વીઝ્યુઅલ્સમાં જોઈ શકાય છે કે તેઓ એક બંધ ઓટોને ધક્કા પણ મારી રહ્યા છે. તહેવારમાં ક્યાંય અટવાઈ પડેલા વ્યક્તિ માટે આ કેટલો હાંશકારો આપનારું છે તે તમે જાણો છો. આ વીડિયોમાં એવું પણ લખાય છે કે અમે આ રીતે ઉજવી અમારી દિવાળી. ટ્રાફિકનું નિયમન કરતાં ઉજવી અમે દિવાળી, દિવ્યાંગોને મદદ કરતા ઉજવી અમે દિવાળી, સેવા કરતા અમે મનાવી દિવાળી, આપ ઘરે સલામત પહોંચી જાઓ એ જ અમારી દિવાળી… સફીન હસને આ વીડિયોમાં ગૃહ રાજ્યમંત્રી હર્ષ સંઘવી, મુખ્યમંત્રી કાર્યાલય, પીઆઈબી અમદાવાદ, અમદાવાદ પોલીસ અને ડીજીપી ઓફીસ અમદાવાદને પણ ટેગ કર્યા છે.

પોલીસને લોકોએ પણ દિવાળીની શુભકામનાઓ આપી
આપણે દિવાળીના સમયમાં પોતાના અને પરિવારની સુખાકારીનું વિચારતા હોઈએ પરંતુ જ્યારે આપણે તહેવારમાં અન્યની સુખાકારીનું વિચારીએ છીએ ત્યારે તહેવાર ઉજવવાની મજા જ બમણી થઈ જાય છે. આપણે તો દિવાળી, બેસતું વર્ષ, ભાઈ બીજ ઉજવી લીધી પરંતુ પોલીસનો આ મોટો વર્ગ જે આપણા માટે ખડે પગે રહે છે તેના પણ પરિવાર છે અને તેને પણ ભાઈ બીજ હોય છે છતાં પરિવારને આપી શકે તેટલો સમય આપીને તે તુરંત પોતાની ડ્યૂટી પર આવીને ઊભો રહી જાય છે. આવા પોલીસ કર્મચારીઓની કામગીરીનો આ વીડિયો જોઈ ઘણા લોકોએ સોશિયલ મીડિયા પર સો સલામ કર્યા છે.

(Urvish Patel)