Gujarat News: દાહોદમાં નશામાં કોન્સ્ટેબલે કર્યું 2 રાઉન્ડ ફાયરિંગ, વલસાડમાં પત્ની સાથે પોલીસકર્મી બન્યો ખેપીયો

Gujarat News: ગુજરાતમાં બે ઘટનાઓ એવી સામે આવી છે કે ગુજરાત પોલીસના કર્મનિષ્ઠ કર્મચારીઓ પર જ કાદવ ઉછાળી દે, જોકે અહીં લોકોએ એ પણ જોવા જેવું છે કે આ ગુનાહીત કાર્યો કરનારા પોલીસ કર્મચારીઓ સામે કાયદેસરની કાર્યવાહી કરનારા પણ પોલીસ જ છે. એટલે કે ગુનો કરનારા પોલીસ કર્મચારીઓ કરતા કર્મનિષ્ઠ કર્મચારીઓ વધારે છે. જેથી ખોટી છબી તરફ ધ્યાન આપવા સાથે પોલીસની કામગીરી પર પણ એટલું જ ધ્યાન આપવા જેવું છે. હાલમાં આવી બે ઘટનાઓ સામે આવી રહી છે જેમાં દાહોદમાં ચીક્કાર દારુ પીને પોલીસ કોન્સ્ટેબલે જાણે કે મીડિયાને પોઝ આપતો હોય તેવી હરકતો કરી હતી. સાથે જ આ શખ્સે બે રાઉન્ડ ફાયરિંગ પણ કર્યું હતું. જ્યારે અન્ય એક વલસાડની ઘટનામાં પોલીસ કર્મચારી પોતાની પત્ની સાથે જ દારુની ખેપ મારવા લાગ્યો હતો. જે 3 લાખના મુદ્દામાલ સાથે પકડાયો છે.