IPS Sanjeev Bhatt : પૂર્વ IPS ઓફિસરને ગુજરાત હાઈકોર્ટે આપ્યો મોટો ઝટકો, આજીવન જેલની સજા યથાવત

IPS Sanjeev Bhatt Case : પૂર્વ IPS ઓફિસર સંજીવ ભટ્ટને ગુજરાત હાઈકોર્ટે આજે મોટો ઝટકો આપ્યો છે. કસ્ટોડીયલ ડેથના કેસમાં જામનગર સેશન્સ કોર્ટે આપેલી આજીવન કેદની સજા પણ હાઈકોર્ટે યથાવત રાખી છે. જસ્ટિસ આશુતોષ શાસ્ત્રી અને જસ્ટિસ સંદીપ ભટ્ટની ડિવિઝન બેન્ચે તેમની અરજી ફગાવી અને જણાવ્યું કે, ટ્રાયલ કોર્ટે અપીલકર્તાઓને યોગ્ય રીતે દોષિત ઠેરવ્યા છે અને અમે આ નિર્ણયને સમર્થન આપીએ છીએ. 1990ના કેસમાં પ્રથમ સેશન્સ કોર્ટે ભટ્ટને સજા ફટકારી હતી.