હાલોલમાં 500 કરોડનું કૌભાંડઃ ‘ કટકીખોર બાબુ’ આમ કરતા તગડી કમાણી

જંત્રીની રકમ ન ભરાવીને થયું કૌભાંડ
હાલોલના સબ રજિસ્ટ્રારની ઓફીસમાંથી 500 કરોડની સ્ટેમ્પ ડ્યૂટીની ચોરીના આરોપ લાગ્યા છે. આ મામલે હાલોલના જ જાગૃત નાગરિક દ્વારા મુખ્યમંત્રી ભુપેન્દ્ર પટેલ ઉપરાંત જિલ્લા કલેક્ટરને લેખિતમાં રજૂઆત કરવામમાં આવી હતી. આ રજૂઆતમાં અહીં 5 વર્ષના ગાળામાં 500 કરોડ રૂપિયાની સ્ટેમ્પ ડ્યૂટીની ચોરી કર્યાનો આરોપ લગાવાયો છે. ગોધરા સ્ટેમ્પ ડ્યૂટી કચેરીના અધિકારી આ કૌભાંડમાં સામેલ હોવાનો પણ આરોપ લગાવવામાં આવ્યો છે. હાલોલની જ એક ખાનગી કંપનીને હરાજી પ્રમાણે જંત્રીની રકમ ન ભરાવવીને કંપનીને કરોડો રૂપિયાનો ફાયદો કરાવ્યાનો આરોપ લગાવાયો છે. સાથે જ મકાન બાંધી ઓપન પ્લોટના દસ્તાવેજ કરનારા બિલ્ડર્સ પાસેથી તગડી રકમ લઈને ભ્રષ્ટાચાર કર્યાના આક્ષેપો પણ લેખિત રજૂઆતમાં કરાયા છે. આ સંદર્ભે જિલ્લા કલેક્ટર સુજલ મ્યાત્રાએ કહ્યું હતું કે, રજિસ્ટ્રારની ઓફીસના કૌભાંડ અંગે જાણકારી મળી છે જે સંદર્ભે કમિટિ બનાવીને તપાસ કરવામાં આવશે.

#Panchmahal ના કલેક્ટર સુજલ મયાત્રાએ જણાવ્યું કે, જિલ્લામાં સ્ટેમ્પ ડ્યુટીની 500 કરોડ રૂપિયાની ચોરી થઇ હોવાની રજૂઆત મળી છે. જિલ્લાની કચેરીઓમાંથી બાનાખાતા રજિસ્ટ્રેશન, વેચાણ દસ્તાવેજો સહિતની ચકાસણી કરવા ટીમ બનાવવામાં આવશે અને જો તપાસમાં કોઇ કસુરવાર નીકળશે તો કડક કાર્યવાહી કરાશે. pic.twitter.com/XB33kzO3cK

— Gujarat Tak (@GujaratTak) December 29, 2022

આ પણ જાણવા જેવું
લાઠીની રામકથામાં મોરારી બાપુએ હીરા બા માટે કરી પ્રાર્થનાઃ સ્વાસ્થ્યમાં થયો સુધારો
ન્યુડ વિડીયો કોલનું રોકોર્ડિંગ કરી પૈસા પડાવતી ગેંગનો માણસ ઝડપાયો, અપનાવતા હતા આ મોડેસ ઓપરેન્ડી
ઊનાના યુવકને 2 વર્ષમાં એક જ આંગળીએ 9 વખત સાપ ડંખ્યો, કંટાળીને 540 કિ.મી દૂર રહેવા જતો રહ્યો

(વીથ ઈનપુટઃ શાર્દૂલ ગજ્જર, ગોધરા)

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…