‘દારુ જ પીવાનો ને’ કહેનાર દાંતાના ‘ઝૂમ-ઝૂમ’ શિક્ષક સસ્પેન્ડ

બે શિક્ષકોની નોકરી દારુના કારણે જોખમાઈ
દાંતા તાલુકાના જોધસર ગામની પ્રાથમિક શાળાના શિક્ષકનો ચિક્કાર દારુ પીધેલી હાલતનો વીડિયો વાયરલ થયો હતો. નશામાં ધૂત થઈને આ શિક્ષક શાળામાં બાળકોને ભણાવવા આવતો હતો. બાળકો આવા શિક્ષક પાસેથી શું સારું શીખી શકે તેનો અંદાજ અહીં આવી જાય છે. અંતરિયાળ આદિવાસી વિસ્તારમાં પ્રાથમિક શાળાઓમાં આવા શિક્ષકોને કારણે શિક્ષણની હાલત કથળેલી છે. નેતાઓ ચૂંટણી ટાંણે ભલે આદિવાસી, ગરીબ, પીડિત, શોષિતોની વાત કરતા હોય પરંતુ આવા સમયે તેમની વાતો ફરી સાંભળીએ તો કાનામાં કાંટાની જેમ વાગે છે. આ વીડિયો વાયરલ થયા પછી શિક્ષકને સસ્પેન્ડ કરવાની માગ ઉઠી હતી. આખરે તમામ તથ્યો જાણ્યા પછી જોધસર ગામના બે શિક્ષકોને સસ્પેન્ડ કરી દેવાયા છે. આ અગાઉ વગદા ક્યારે શાળા પણ આવા જ વિવાદમાં આવી ચુકી હતી.

દાંતા તાલુકાના જોધસર ગામના પ્રાથમિક શાળાના શિક્ષકનો દારૂ પીધેલી હાલતનો #VideoViral #Gujarat #education #GujaratTak pic.twitter.com/wUrQTHz9hO

— Gujarat Tak (@GujaratTak) December 22, 2022