‘તમે જુવાનીયાઓ મત આપજો, હું મતદાન ક્યારેય ભુલી નથી’- ગોધરામાં 106 વર્ષના વડીલ દાદીએ કહ્યું

ગુજરાત વિધાનસભાની ચૂંટણીનું બીજા તબક્કાનું મતદાન: 106 વર્ષીય વૃદ્ધ મહિલાએ મતદાન કર્યું#Gujaratelections2022 #ElectionwithGujarattak pic.twitter.com/QBQoBsmjCw

— Gujarat Tak (@GujaratTak) December 5, 2022

5412 વડીલ મતદારો છે
આજે ગુજરાત વિધાનસભાની ચૂંટણીના બીજા તબક્કાનું મતદાન થઈ રહ્યું છે. ગોધરાના 106 વર્ષના લક્ષ્મીબેન પન્નાલાલ મારવાડીએ મતદાન કર્યું છે. તેમણે કહ્યું છે કે અમે તો ઘરડા થઈ ગયા છીએ. હવે યુવાનોએ મત આપવો જોઈએ. અત્યાર સુધી મેં બધી ચૂંટણીમાં મતદાન કર્યું છે. આપ પણ મતદાન જરૂર કરો. પોતાના દિકરાનો હાથ પકડીને મતદાન કરવા માટે ગોધરાના આરએનબી વિભાગમાં પહોંચ્યા હતા. ઉલ્લેખનીય છે કે, ગુજરાતની બીજા તબક્કાની 93 બેઠકો પર કુલ 2,51,58,730 મતદારો છે. જે પૈકીના 1,29,26,501 પુરૂષ મતદારો, 1,22,31,335 મહિલા મતદારો અને 894 ત્રીજી જાતિના મતદારો છે. તેમાંથી સાવ નાની વયના મતલબ કે 18થી 19 વર્ષની ઉંમર ધરાવતા મતદારોની સંખ્યા 5,96,323 છે. જ્યારે 99 વર્ષથી વધુની ઉંમર ધરાવતા વડીલ મતદારોની સંખ્યા 5412 છે. સેવા મતદારોની કુલ સંખ્યા 18271 છે, જ્યારે એનઆરઆઈ મતદારોની સંખ્યા કુલ 660 છે.

લોકશાહીના પર્વની જુવાનિયાઓને પણ શરમાવે તેવી તસવીર#Gujaratelections2022 #ElectionwithGujarattak #GTCard pic.twitter.com/vtLrVgQUGy

— Gujarat Tak (@GujaratTak) December 5, 2022

(વીથ ઈનપુટઃ શાર્દુલ ગજ્જર, ગોધરા)