નકલી PSI મયુર તડવીની ધરપકડ, ડભોડા પોલીસે સમગ્ર મામલે તપાસ આદરી

ડભોડા પોલીસ સ્ટેશનમાં સમગ્ર મામલે પોલીસ ફરિયાદ દાખલ
ગાંધીનગર જિલ્લાના ડભોડા પોલીસ સ્ટેશનમાં નકલી PSI મયુર તડવી સામે ગુનો દાખલ થયા બાદ પોલીસે તપાસ આદરી હતી. આજે તડવીની ધરપકડ પણ કરી લેવામાં આવી છે. આ સમગ્ર મામલે ગાંધીનગર એલસીબી દ્વારા તપાસ ચલાવાઇ રહી છે. અન્ય લોકોની સંડોવણી છે કે કેમ તે માટે મયુર તડવીની પુછપરછ કરવી ખુબ જ જરૂરી છે. જેના કારણે મયુર તડવીની ગઇ કાલથી જ પુછપરછ ચાલી રહી હતી. આજે પોલીસે અધિકારીક રીતે તેની ધરપકડ દર્શાવી દીધી છે.

PSI ભરતી કૌભાંડઃ યુવરાજસિંહના આરોપો હતા કે એક યુવક ખોટી રીતે PSI બન્યો છે. જે યુવક મયુર તડવીની અધિકારીઓ દ્વારા પુછપરછ કરવામાં આવી હતી. હવે તેની ધરપકડ કરવામાં આવી છે.
ગાંધીનગર જિલ્લા પોલીસ દ્વારા તેની સામે કાયદેસરની કાર્યવાહી હાથ ધરાઈ છે.#Gujarat #GujaratTak #PSISCAM pic.twitter.com/pjZUvLKTjW

— Gujarat Tak (@GujaratTak) March 1, 2023

નકલી PSI બનવા માટે તમામ પ્રકારના ડોક્યુમેન્ટ્સ ઉભા કર્યા
અત્રે ઉલ્લેખનીય છે કે, મયુર તડવીએ કરાઇ પોલીસ એકેડેમીમાં નકલી PSI બનીને પ્રવેશ મેળવ્યો હતો. સૌથી ચોંકાવનારી બાબત છે કે, મયુર તડવીએ ન માત્ર કરાઇ પોલીસ એકેડેમીમાં પ્રવેશ મેળવી લીધો હતો. એક મહિનાથી વધારે સમયની ટ્રેનિંગ પણ પુર્ણ કરી હતી અને એક સરકારી પગાર પણ મેળવી લીધો હતો. જો કે યોગ્ય સમયે યુવરાજસિંહે આ સમગ્ર મામલે ઘટસ્ફોટ કર્યો હતો. જેના કારણે આ કૌભાંડનો પર્દાફાશ થયો હતો. જો આવું ન થયું ન હોત તો કદાચ તે સફળતા પુર્વક પોતાની ટ્રેનિંગ પુર્ણ કરીને કોઇ જિલ્લામાં નોકરી પણ મેળવી લેત. જો કે અગાઉ પણ આવા અનેક PSI પણ પાસ થઇ ગયા હોય તો નવાઇ નહી.