અમદાવાદમાં રથયાત્રા પહેલા આતંકી હુમલાનું ષડયંત્ર? પાકિસ્તાન કનેક્શન ધરાવતા 3 શકમંદ ઝડપાયા

અમદાવાદ: અમદાવાદ સહિત રાજ્યના જુદા જુદા શહેરોમાં રથયાત્રાની ચાલી રહેલી તૈયારી વચ્ચે આતંકી હુમલાની આશંકા વચ્ચે પોલીસ ખડેપગ સુરક્ષામાં તૈનાત છે. ત્યારે અમદાવાદના નારોલ વિસ્તારમાંથી બે દિવસ પહેલા 3 શંકાસ્પદ લોકોની અટકાયત ગુજરાત ATS દ્વારા કરવામાં આવી હતી. ચંડોળા તળાવ પાસેથી પકડાયેલા આ 3 શકમંદો બાંગ્લાદેશી હતા અને તેમનું પાકિસ્તાન સાથેનું કનેક્શન સામે આવ્યું છે. ત્યારે આ મુદ્દે આજે ગુજરાત ATS પ્રેસ કોન્ફરન્સ કરીને વધુ ખુલાસા કરશે.