Exit Poll પર ચૂંટણી પંચે લગાવ્યો આવો પ્રતિબંધઃ જાણો શું છે નિર્ણય

અમદાવાદઃ ગુજરાત વિધાનસભા ચૂંટણીઓને લઈને આજે બીજા તબક્કાનું મતદાન પૂર્ણ થવાને થોડા જ કલાક બાકી છે ત્યારે એક્ઝિટ પોલ પર સતત લોકોની મીટ મંડાયેલી છે. પ્રચાર માધ્યમો માટે ‘એક્ઝિટ પોલ’  સંદર્ભે માર્ગદર્શક સૂચનાઓ ચૂંટણી પંચ દ્વારા જાહેર કરવામાં આવી છે. ચૂંટણી પંચ દ્વારા આજે સોમવારે સાંજે 6.30 વાગ્યા સુધી ‘એક્ઝિટ પોલ’ પર પ્રતિબંધ મુકવામાં આવ્યો છે. ગુજરાત વિધાનસભા સામાન્ય ચૂંટણી-2022 ના સંદર્ભે મુખ્ય નિર્વાચન અધિકારીની કચેરી, ગુજરાત દ્વારા પ્રિન્ટ અને ઇલેક્ટ્રોનિક મીડિયાના ‘‘એક્ઝિટ પોલ’’  પ્રકાશિત કે પ્રસિદ્ધ કરવા સંદર્ભે માર્ગદર્શિકા જારી કરવામાં આવી છે.