‘કયું ટોળું હતું મને ખબર નથી, હું ફરિયાદ કરવા માગતો નથી’- પ્રભાતસિંહે હાઈવોલ્ટેજ ડ્રામા પછી લબુક દઈને મુકી દીધું

ફતેસિંહ પર શંકા છે પણ ફરિયાદ કરવી નથી
પ્રારંભિક માહિતી અનુસાર ઘોઘંબાના ગોંદલી ગામે પ્રભાતસિંહ અને ભાજપના કાર્યકરો વચ્ચે ઘર્ષણ થયું હતું. બુથ એજન્ટ સાથે થયેલી માથાકુટ પછી સ્થિતિ એટલી ગંભીર બની ગઈ હતી કે પોલીસે તુરંત એક્શનમાં આવીને પ્રભાતસિંહને એક તરફ કરીને તેમને સુરક્ષા આપી હતી. સાથે જ તેમને સુરક્ષિત રાજગઢ પોલીસ મથકે લઈ આવી હતી. જોકે આ મામલે પ્રભાતસિંહે કહ્યું હતું કે મને ફતેસિંહ પર શંકા છે પરંતુ મારે ફરિયાદ કરવી નથી.

પ્રભાતસિંહે જાણો શું કહ્યું…
પ્રભાતસિંહ ચૌહાણે આ મામલે કહ્યું હતું કે, ચૂંટણીનો દિવસ હતો એટલે હું રાઉન્ડ પર નિકળ્યો હતો, ઘોઘંબાના ગોંદલી ગામમાં બોગસ વોટિંગની વાત મળી હતી. હું ત્યાં ગયો ત્યારે ફતેસિંગનો માણસ ભાગી ગયો. પછી બહારના ટોળા હતા તેમને હું ઓળખતો નથી તે અંદર અંદર ઝઘડ્યા અને પછી ભાજપના કે કોંગ્રેસના હું ઓળખતો નથી. તેમણે મારા ગાડીના કાચ તોડી નાખ્યા. પોલીસે મને રક્ષણ આપ્યું. મને કોઈ ઈજા થઈ નથી. મને ફતેસિંહ પર શંકા છે. ત્રણ ટુકડીઓ ત્યાં ફરતી હતી. મારે ફરિયાદ નથી નોંધાવી.

#Gujarat પંચમહાલમાં થયેલી માથાકુટ અંગે કોંગ્રેસના ઉમેદવાર પ્રભાતસિંહે જુઓ શું કહ્યું pic.twitter.com/HWj56sYqcH

— Gujarat Tak (@GujaratTak) December 5, 2022

(વીથ ઈનપુટઃ શાર્દુલ ગજ્જર, ગોધરા)