ભિલોડામાં અસામાજિક તત્વોનો આતંક, પોલીસ ચોકીની સામે જ યુવકને ટોળાએ ઢોર માર માર્યો

વાઈરલ વીડિયોમાં જોઈ શકાય છે કે, ભિલોડાના ભાણમેર ગામના યુવક પર 10 જેટલા યુવકનું ટોળું તૂટી પડે છે અને તેના કપડા ફાડીને માર મારી રહ્યા છે. પ્રાથમિક વિગતો મુજબ, પ્રેમ પ્રસંગમાં આ મારામારીની ઘટના બની હતી. શાળા છૂટ્યા બાદ મારામારીનો આ બનાવ બન્યો હતો. ચોંકાવનારી વાત એ છે કે ટાકાટૂકાની પોલીસ ચોકીની સામે જ યુવકને આ રીતે માર મારવામાં આવ્યો હતો. વીડિયોમાં પોલીસ કર્મચારી પણ જોવા મળી રહ્યા છે.

ત્યારે પોલીસની સામે જ આ રીતે અસામાજિક તત્વો જાહેરમાં મારામારી કરી રહ્યા છે. એવામાં પોલીસની કામગીરી પર પણ અનેક સવાલો ઉઠી રહ્યા છે. આ પહેલા પોરબંદરમાં પણ બે યુવક દ્વારા એક યુવકને નગ્ન કરીને જાહેરમાં માર મારવાની ઘટના સામે આવી હતી.

અરવલ્લીના ભિલોડામાં સ્કૂલના વિદ્યાર્થીને પોલીસ ચોકી સામે જ અસામાજિક તત્વોએ માર માર્યો#Aravalli #GujaratiNews pic.twitter.com/VuIpjaQGpm

— Gujarat Tak (@GujaratTak) August 8, 2023