ક્ષત્રિય સમાજનું બારડોલીમાં અસ્મિતા મહાસંમેલન, તૃપ્તિબા કહ્યું- 'આપણી તલવાર આપણું મત બેંક છે'

ક્ષત્રિયોનું બીજું અસ્મિતા મહાસંમેલન

ગુજરાતમાં 7 તારીખે લોકસભાનું મતદાન થવાનું છે. એવામાં આ વખતે સૌથી વધુ ચર્ચિત બેઠક રાજકોટ લોકસભા પર સૌથી નજર છે. આ બેઠક પર રૂપાલા સામે ક્ષત્રિયનો રોષ યથવાત જોવા મળે છે. ત્યારે આજ રોજ દક્ષિણ ગુજરાતના ક્ષત્રિયો બારડોલીમાં સંમેલનરૂપી સત્યાગ્રહ યોજાયું હતું. ગુજરાતભરના વિવિધ કાર્યક્રમો કર્યા છતાં રૂપાલાની ટિકિટ રદ્દ ન થતાં હવે તેમની લડત સીધી ભાજપ સામે જોવા મળી રહી છે.  બારડોલી કેદારેશ્વર મહાદેવ મંદિર ખાતે આજે આ  અસ્મિતા મહાસંમેલન આયોજન થયું હતું. જેમાં કરણસિંહ ચાવડા, સંકલન સમિતિના રાજ્યના મહિલા પ્રમુખ તૃપ્તિબા રાઓલ સહિતના ક્ષત્રિય આગેવાનો હાજર રહ્યા હતા.

તૃપ્તિ બા કહ્યું- 'આપણી તલવાર આપણું મત બેંક છે'

આ મહાસંમેલનમાં તૃપ્તિ બાએ ભાષણ આપતા ભાજપ સામે પ્રહાર કર્યા હતા. જેમાં કહ્યું હતું કે, હમણાં તલવાર મ્યાંનમાં છે. આપણી તલવાર આપણું મત બેંક છે અને EVM માં 3 સેકન્ડ સુધી દબાવી રાખજો. નાના ગામમાં ભાજપ પ્રચાર કરી શકતું નથી અને નાની ઓરડીમાં મીટીંગ કરી રહ્યા છે. આ સિવાય તેમણે ક્ષત્રિયાણીઓની શક્તિ પર પણ વાત કરી હતી અને કહ્યું હતું કે, 'તમે 5 મીટરની પાઘડીમાં આટલું અભિમાન કરો છો અમે 10 મીટરની કેસરી સાડી પહેરીએ છીએ અમે પાવર હાઉસ છીએ' . 

'રાહુલ ગાંધી સમગ્ર ક્ષત્રિય સમાજની માફી માંગે' , રાજા-મહારાજાઓ પર ટિપ્પણી બાદ પદ્મિનીબા આવ્યા મેદાનમાં

'રાજકીય રીતે ક્ષત્રિયોની બાદબાકી કરવામાં આવી'

આ સિવાય પ્રદ્યુમનસિંહ જાડેજાએ પણ સંબોધન કર્યું હતું. જેમાં તેમણે વાત કરતાં કહ્યું કે, રાજકીય રીતે ક્ષત્રિયોની બાદબાકી કરવામાં આવી છે. આપણે બધુ જ જાણીએ છીએ કે  રાજ્યસભા, વિધાનસભા અને લોકસભામાં આવગણના કરવામાં આવી રહી છે.  મારા હાથ નીચે સંકલન સમિતિની રચના કરવામાં આવી છે. સરકારમાં માંગણી મૂકીએ ત્યારે હાસ્યાસ્પદ સ્થિતિમાં ન મુકાય તેને માટે યોગ્ય રજૂઆત કરવામાં આવે. રૂપાલાના મુદ્દે સંકલન સમિતિ દ્વારા સરકારને રજૂઆત કરવામાં આવી હતી. આ વખતે કરવાનો નિર્ણય સમિતિમાં કરવામાં આવે તેવો નિર્ણય લેવાયો હતો. સંકલન સમિતિ દ્વારા માર્ગદર્શન કરવામાં આવ્યું તે રીતે લડત લડવાનું શરૂ કરવામાં આવી હતી.