ગાંધીનગરમાં TET-TAT ઉમેદવારોનું પ્રદર્શન, પોલીસે ટીંગાટોળી કરીને અટકાયત કરી

શું આ આંતકવાદી છે ??
શું આ જ છે લોકશાહી ??
શા માટે શિક્ષણમંત્રી કે શિક્ષણ સચિવ ઉમેદવારો ને મળતાં નથી ?#કાયમી_શિક્ષકો ની ભરતી ક્યારે કરશો એટલું પૂછવા તો આવ્યા હતા ! શું આ પણ ગુનો છે ?@VtvGujarati@tv9gujarati@abpasmitatv@GSTV_NEWS@sandeshnews@News18Guj@Zee24Kalak@ABPNews… pic.twitter.com/cokQTG9bsS

— Yuvrajsinh Jadeja (@YAJadeja) November 21, 2023

કાયમી શિક્ષકોની ભરતીની માંગ

રાજ્યમાં હાલ જ્ઞાન સહાયકોની કરાર આધારિત ભરતી રદ કરીને કાયમી શિક્ષકોની ભરતીની માંગ સાથે TET-TAT ઉમેદવારોનું આંદોલન ચાલી રહ્યું છે. જેને લઈને ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની કચેરી બહાર ઉમેદવારો એકઠા થયા હતા અને પોતાની માંગ ન સંતોષાય તો ઉગ્ર આંદોલનની ચીમકી ઉચ્ચારી હતી.

શિક્ષણ બોર્ડની કચેરીની બહાર જ્ઞાન સહાયકોની ભરતી સામે વિરોધ કરી રહેલા ઉમેદવારોની પોલીસે અટકાયત કરી હતી. ત્યારે ઉમેદવારોએ સૂત્રોચ્ચાર કર્યો હતો. નોંધનીય છે કે, જ્યારથી જ્ઞાન સહાયકની ભરતીની જાહેરાત કરાઈ છે ત્યારથી TET-TAT ઉમદવારો તેનો વિરોધ કરી રહ્યા છે. ત્યારે જોવાનું રહેશે કે આગામી સમયમાં સરકાર આ મામલે ઉમેદવારોનો પક્ષ સાંભળીને માંગનું યોગ્ય નિરાકરણ લાવે છે કે કેમ.