Gandhinagar: કરાઈ એકેડમીમાં ટ્રેઈની PSIનું કારસ્તાન, રજા લેવા સગાઈની નકલી કંકોત્રીથી અધિકારીઓને મૂર્ખ બનાવ્યા

Gandhinagar News: ગાંધીનગરમાં આવેલી કરાઈ પોલીસ ટ્રેનિંગ એકેડમી ફરી એકવાર ચર્ચામાં આવી છે. એકેડમીમાં ટ્રેઈની PSIએ રજા મેળવવા માટે પોતાની જ સગાઈ થતી હોવાનું નાટક રચ્યું હતું અને ઉતરી અધિકારીઓ સમક્ષ નકલી કંકોત્રી રજૂ કરીને ગેરમાર્ગે દોરીને રજા મેળવી હતી. જોકે તપાસમાં સમગ્ર કાંડ બહાર આવ્યા બાદ ટ્રેઈની PSIને તાત્કાલિક અસરથી સસ્પેન્ડ કરી દેવામાં આવ્યો છે અને ડભોડા પોલીસ સ્ટેશનમાં તેની વિરુદ્ધ ગુનો પણ નોંધવામાં આવ્યો છે.