‘કોંગ્રેસનો કોઈ ડર નથી, આપણા જ આપણને નડે છે’, પૂર્વ કેબિનેટ મંત્રીનું સ્ટેજ પરથી છલકાયું દર્દ

સ્નેહ મિલન કાર્યક્રમમાં નેતાએ દુઃખ વ્યક્ત કર્યું

નરેશ પટેલે જણાવ્યું હતું કે, વાંસદામાં કોંગ્રેસનો કોઈ ડર નથી, આપણને આપણા જ નડે છે. તેમણે ઉમેર્યું કે, હું પહેલા પણ કહેતો હતો કે, અફસોસની વાત છે કે આપણે આપણા જ લોકો દ્વારા હાર્યા છીએ. ભાજપના સ્નેહ મિલન કાર્યક્રમમાં પૂર્વ મંત્રી નરેશ પટેલે આપેલા નિવેદનથી ફરી ભાજપના આંતરીક વિખવાદની ચર્ચાએ જોર પકડ્યું છે. હાલમાં વાંસદામાં કોંગ્રેસના અનંત પટેલ ધારાસભ્ય છે અને વિધાનસભા ચૂંટણીમાં અહીં ભાજપને હાર મળી હતી.

'કોંગ્રેસનો કોઇ ડર નથી, આપણા જ આપણને નડે છે': પૂર્વ કેબિનેટ મંત્રીનું દર્દ છલકાયું

નવસારીમાં ભાજપના સ્નેહ મિલન કાર્યક્રમમાં પૂર્વ કેબિનેટ મંત્રી નરેશ પટેલનું દુ:ખ છલકાયું છે, તેમણે કહ્યું કે, કોંગ્રેસનો કોઇ ડર નથી, આપણા જ આપણને નડે છે#Navsari #NareshPatel #GTVideo #BJP pic.twitter.com/7olFSEMKZa

— Gujarat Tak (@GujaratTak) December 9, 2023

નોંધનીય છે કે, લોકસભાની ચૂંટણીની તૈયારીમાં કોંગ્રેસે વલસાડ સંસદીય મત વિસ્તારમાં આવતા નવસારીના વાંસદામાં પોતાની પકડ જાળવી રાખી છે. અહીંના કોંગ્રેસના ધારાસભ્ય આદિવાસી નેતા અનંત પટેલનો દબદબો છે, જેના કારણે અનેક વખત ભાજપના નેતાઓમાં મૂંઝવણ જોવા મળી રહી છે.