હવે તો ખમૈયા કરો મેઘરાજ! આજે ફરી ગુજરાતમાં ભારે પવન સાથે કમોસમી વરસાદની આગાહી, ધરતીપુત્રો ચિંતિત

Unseasonal rainfall forecast: કુદરત દ્વારા કમોસમી વરસાદરૂપે ગુજરાત પર જાણે કે આફત વરસાવી હોય એવી ભારે કફોડી હાલતમાં ખેડૂતો મુકાઈ ગયા છે. રવિવારે ભર શિયાળે ધોધમાર વરસાદ ખાબક્યો હતો. એક જ દિવસમાં આટલો ભારે વરસાદ પડવાથી પાકનો સોથ વળી ગયો છે. કરા સાથે પડેલા આ માવઠાથી ખેડૂતોની કમર ભાંગી ગઈ છે. ગુજરાતમાં ખેડૂતોની હાલત એક સાંધે ત્યાં તેર તૂટે એવી કફોડી બની છે. આ સ્થિતિમાં ગુજરાતમાં ફરી એકવાર વરસાદની આગાહી કરવામાં આવી છે.