પોરબંદરમાં 20 શ્રમિકોને ફૂડ પોઈઝનિંગની અસર, હોસ્પિટલમાં 1નું મોત, ચારની હાલત ગંભીર

વિગતો મુજબ, પોરબંદર જિલ્લાના જાવર ગામમાં રવિવારે 15થી 20 જેટલા લોકોને ફૂડ પોઈઝનિંગની અસર થઈ હતી. જે બાદ તમામ લોકોને સારવાર માટે સરકારી હોસ્પિટલ ભાવસિંહજી હોસ્પિટલ ખસેડવામાં આવ્યા હતા. જ્યાં એક દર્દીનું સારવાર દરમિયાન મોત થઈ ગયું, તો અન્ય 4 લોકોની સ્થિતિ ગંભીર હોવાનું પણ સામે આવી રહ્યું છે. કંપનીમાં કામ માટે ઝારખંડથી શ્રમિકો આવ્યા હતા.

ઘટનાની જાણ થતા જ પોરબંદરના ધારાસભ્ય અર્જુન મોઢવાડિયા હોસ્પિટલમાં દોડી આવ્યા હતા. જ્યાં તેમણે અસરગ્રસ્તોના ખબર અંતર પૂછ્યા હતા. જેની તેમણે ટ્વીટ કરીને જાણકારી આપી હતી અને દર્દીના જલ્દી સ્વસ્થ થવા માટે પ્રાર્થના કરી હતી.

પોરબંદર ના જાવર ગામે ફૂડ પોઈઝનીંગ ની અસરના કારણે એક વ્યક્તિનું મૃત્યુ થવાની ઘટના અત્યંત દુઃખ છે. આ ઘટનામાં અન્ય 15 જેટલા અસરગ્રસ્તોને ભાવસિંહજી હોસ્પિટલમાં સારવાર આપવામાં આવી રહી છે, તેમની સાથે મુલાકાત કરીને ખબર અંતર પૂછ્યા અને ડૉકટરો સાથે સારવાર અંગે ચર્ચા કરી.#Porbandar pic.twitter.com/qXGPMFnsvJ

— Arjun Modhwadia (@arjunmodhwadia) August 20, 2023