બિપોરજોય વાવાઝોડાને પગલે વનતંત્ર એક્શન મોડ પર, લીધા આ મહત્વના નિર્ણય

ગીર સાસણના સીસીએફ આરાધના શાહુ જણાવ્યું કે બિપર જોય વાવાઝોડાની ભયાનક અસરને જોતા ગીર જંગલ સફારી અને દેવલિયા પાર્કને 12 થી 16 સુધી બંધ કરી દેવામાં આવ્યા છે. ગીર સફારીમાં 16 જૂનથી ચાર મહિનાનું મોનસુન વેકેશન છે, તેથી હવે ગીર સફારી 16 ઓક્ટોબરે જ ખુલશે. વાવાઝોડા દરમિયાન કોઈ પણ પરપ્રાંતિયને ગીરના જંગલમાં ન જવાની સૂચના આપવામાં આવી છે. જ્યારે આ વાવાઝોડાની અસર ઓછી થતા જ દેવળીયા પાર્ક ફરી શરૂ કરવામાં આવશે.

સિહો પર રાખવામાં આવી નજર 
ગીર જંગલના સિંહોને સલામત સ્થળે લઈ જવામાં આવ્યા હતા. બીચ નજીક 100 સિંહોના કાયમી રહેઠાણ છે, હાલમાં તમામ પર  300 ટ્રેકર્સ સિંહોની હિલચાલ પર નજર રાખી રહ્યા છે. વાવાઝોડાને કારણે 70 થી 80 કિમીની ઝડપે પવન ફૂંકાઈ શકે છે, આવી સ્થિતિમાં વન વિભાગ દ્વારા કોઈ વન્ય જીવને નુકસાન ન થાય તે માટે ચાંપતી નજર રાખવામાં આવી રહી છે.