Flower Show Ahmedabad : ચીનનો રેકોર્ડ ધ્વસ્ત, અમદાવાદનો ફ્લાવર શો બન્યો સર્વશ્રેષ્ઠ, ગિનીઝ બુક ઓફ વર્લ્ડ રેકોર્ડમાં મળ્યું સ્થાન

ફક્ત સ્થાનિકો જ નહીં આ શો નિહાળવા માટે વિદેશમાંથી પણ મહેમાનો પણ આવી રહ્યા છે. એએમસી દ્વારા આયોજન કરેલ ફ્લાવર શોને લોંગેસ્ટ ફ્લાવર સ્ટ્રક્ચર માટે ગિનીઝ વર્લ્ડ રેકોર્ડમાં સ્થાન મળ્યું છે. અગાઉ આ રેકોર્ડ 166 મીટરનો ચીનનાં નામે હતો.

ફ્લાવર શો માંથી AMCને આટલી આવક થઈ

11 દિવસમાં કુલ 5 લાખ 73 હજારથી વધુ ટિકિટનું વેચાણ થયું. આ ફ્લાવર શો માંથી AMCને 3 કરોડ 45 લાખની આવક થઈ છે. 50 થી વધુ શાળાનાં બાળકોએ પણ ફ્લાવર શો ની મુલાકાત લીધી હતી.

ફ્લાવર શોમાં 33 સ્કલ્પચર બનાવવામાં આવ્યા

આ વર્ષે ફ્લાવર શોમાં સૂર્ય મંદિર, સ્ટેચ્યૂ ઓફ યુનિટી, ચંદ્રયાન, કીર્તિ તોરણ સહિત 33 જેટલા સ્કલ્પચર તૈયાર કરવામાં આવશે. જેમાં GSLV MK3 રોકેટ પણ હશે. ફ્લાવર શો માટે 5.45 કરોડ રૂપિયાનો ખર્ચ કરવામાં આવશે. આ માટે બ્રસેલ્સ, સ્વિત્ઝર્લેન્ડ સહિતના દેશોમાં વિવિધ ફૂલો લાવવામાં આવશે.