મોરબીના BJP ધારાસભ્યનો કથિત Audio વાયરલઃ ‘ફાયરિંગ થયું પણ તેને પકડતા નથી’

મોરબીઃ હાલમાં જ મોરબી હોનારત થઈ ત્યારે લોકોને પાણીમાં ઉતરીને જીવની સટાસટી લગાવનારા નેતાને ભાજેપે ટિકિટ આપી અને તેઓ મોરબીની હોનારત પછી પણ ધારાસભ્ય તરીકે ચૂંટાયા હતા. જોકે હવે આ જ નેતાની એક કથિત ઓડિયો ક્લિપ વાયરલ થઈ છે. જોકે આ ઓડિયો સાચો છે કે ખોટો તેની પુષ્ટી થઈ રહી નથી. ઓડિયો સાથે ફરતા મેસેજમાં આ ઓડિયો ભાજપના ધારાસભ્ય કાંતિભાઈ અમૃતિયા અને માળીયા તાલુકાના યુવા ભાજપના ઉપ પ્રમુખ વચ્ચે થયેલી વાતચિતનો હોવાનું કહેવાય છે. ખરેખર આ ઓડિયો તેમનો છે કે નહીં તે અંગે જાણકારી આગામી સમયમાં વાયરલ ઓડિયોની તપાસ દરમિયાન જ સામે આવશે પરંતુ હાલ આપણે જોઈએ તો આ ઓડિયોમાં કેટલીક ચોંકાવનારી વાતચિતો પણ સામે આવી છે.