VADODARA માં ગેસ લીકેજ બાદ આગ ફાટી નિકળી, 3 વર્ષના પુત્રનું મોત, માતાની સ્થિતિ ગંભીર

ભયાનક વિસ્ફોટ થતા પાડોશીઓ દોડી આવ્યા
એકાએક ભયાનક વિસ્ફોટ થતા પાડોશીઓ પણ દોડી આવ્યા હતા. 22 વર્ષીય નયનાબેન બારોટ અને તેમના ત્રણ વર્ષનો પુત્ર દેવાંગ દાઝી ગયા હતા. બ્લાસ્ટ થતાની સાથે જ સોસાયટીના લોકો ઘરની બહાર દોડી આવ્યા હતા. આ બનાવના પગલે સોસાયટીમાં અફડા તફડી મચી હતી. સોસાયટીના લોકો દ્વારા ઘાયલ અવસ્થામાં જ સારવાર માટે હોસ્પિટલ ખસેડવામાં આવ્યા છે. બીજી તરફ વડોદરા ફાયર બ્રિગેડે મહામુસીબતે આગ પર પાણીનો મારો ચલાવ્યો હતો.

પરિવાર ગંભીર રીતે ઇજાગ્રસ્ત હાલતમાં સારવાર માટે ખસેડાયા
પ્રાથમિક તપાસમાં જાણવા મળ્યું હતું કે, આ પરિવાર થોડા દિવસો પહેલા જ ઘરમાં ભાડે રહેવા માટે આવ્યો હતો. જેથી પરિવારે હાલમાં જ ગેસનું ફિટિંગ કર્યું હતું. જેથી એવી શક્યતા છે કે, ગેસ પાઇપમાં લીકેજ થયું હતું અને દરમિયાન ઘર બંધ હતું. જેથી ઘરમાં ગેસ પ્રસરી ગયો હતો. જેમાં નયનાબેન પુત્ર સાથે બહાર આવ્યા અને લાઇટની સ્વિચ ચાલુ કરે તેવો જ સ્પાર્ક થતા ગેસમાં બ્લાસ્ટ થયો હતો. જેમાં માતા-પુત્રી ગંભીર રીતે ઘાયલ થયા હતા. સારવાર દરમિયાન પુત્રનું ટુંકી સારવારમાં જ મોત નિપજ્યું છે. જ્યારે માતાની સારવાર ચાલી રહી છે.